شهد مبارح .... بطرطوس .... و حفلة رووووعة

[هنّوءة]

يا ريت اللي حضرها يحكيلي عنها ... لانو ما حدا من رفاقي اللئيمين اتصل فيي لحتا يخبرني و اتفرج عليها ....
كل اللي باعرفو انو غنت 4 اغاني لفيرووووز روووعة و قدود حلبية تشكل اسي انشاللا .... و ما خليت رفاقي يحكولي اكتر لاني كنت رح موت من القهر
يا ريت اذا حدا عندو تسجيل ينزل ولو معقطع منها هون لانو فتلت كل محلات اللادقية و ما حدا مسجلها
بايااات و ناطرة الاخبار ... اخبار شهد طبعا ...منكون
أورفواريتتتو

[RUBA]

شكرا هنوؤة على الموضوع
يعني الحفلة كانت منقولة على التلفزيون ولا كيف ؟!!

[هنّوءة]

اي والله هئ هئ هئ ... بس للاسف ما قدرت احضرها ... شايفة القهر

[عاشقة ومجنونة شهد]

الحفلة كانت منقولة عالارضية ولا على الفضائية؟
بس انا متاكدة انها ما انتقلت عالفضائية لاني امس كنت سهرانة وما شفت لا حفلة ولا شي
بليز اللي مسجلها ينزلها فيديو او حتى صور المهم نشوف الاميرة شهد

[بحر الحب]

خلونى هى منقوله وولأ لا المهم اللى عنده الحفله ينزلها .

[عـيــ شهد ـــون]

شكرا ع الموضوع
عـيــ شهد ـــون

[MayOoOshe]

هنوءة وانا متلك
ما حضرها ورح موت من قهري

بس اكيد بتنعد عالفضائية
ما النا غير نتابع الفضائية كل يوم والي بيشوف اعلان بينزل موضوع

وما بتوقع حدا عنو التسجيل لان الارضية ما حدا متابعها

شكرا هنوءة عالموضوع

[ღكــزبــك حــلـــوღ]

هنوءة هي ما انعرضت على التلفاز بس ع الراديو!

[乂The_TwiSteR乂]

مـابعـرف انو في حفلـــة !!!!!! اهئئئئئ

يعـني كماان فاتتني !!!!.

[RUBA]

الحفلة اكيد انتقلت عاقناة الارضية
ستي شافتها
وياريت حدا ينزلها فيديو

[razano]

مرحبا ..لكل محبي الفن الأصيل والطرب الغير شكل ..

تسمرت على شاشة الأرضية السورية وقلبي عم يطرق شي 200دقة بالدقيقة

وكلي لهفة لأسمع صوت الصبية المعجزة..يللي بهرت العااالم بموهبتها

وكانت أكبر من كل المسابقات والألقاب

كيف بدها تغني وهي في أحضان بلدها بين أهلها وناسها ؟؟؟


طبعا كلكن منتظرين مني اوصف جمال وروعة الصوت الطربي الأصيل

وهو يغرد بفطرته الحلوة ليحملك لفووق السحاب..

بس أنا ماراح احكي بديهيات الكل متأكد منها..

وماراح انقل تفاصيل السهرة يللي انتو بشوق لتسمعوها..


بس بدي حطلكن صورة بانورامية (بالبعد الرابع) لــ البرعم الفني

يللي شفناه بالسوبر ستار وهو عم يزهر ويفوح ويدوّخ من أعلى مطرح..

عم يستهلك فنه ويعصر روحه وهو يغني لطاولات مربع ليلي حافلة

بالأكل والشرب وخلافه في جو يضج بالهرج والمرج

يللي بيكون عادة بهيك أجواء ..اما الدخان يللي عم يلف المكان فحدث ولا حرج

طبعا ما في حريق بالمربع بس متل ما بتعرفوا دخان المعسل والعجمي كان معبئ

ويللي بيزيد العبووووء ..الآلة الجهنمية يللي اخترعوها لتنفث الدخان

حول المغني والبيست ليكون الجو روووومانسي وخخخخخياااااااالي

اما عن المسكينة شهد فكانت غاطسة بجو أبعد ما يكون عن الفن الراقي ..

وكل مين شافها كان شعوره أقرب لوجع يعصر القلب ..

على مستقبل الورود الغنائية في بلدنا الحبيب يللي عم تذبل..

في أجواء غير صحية وبعيدا عن الدعم والتوجيه الصح

يعني كنت منتظرة شوفها في مكان يليق بها ..محل عام بسيط بس عالي..

شي ساحة عامة ..مسرح ..ملعب.. أرض ديار عربي..

وما بعرف ليش تذكرت نصيحة الكبااااار لها (صباح فخري وميادة حناوي)

بأن تخلي رجليها عـ الأرض (حتى مايصيبها الغرور)

بس يمكن الحق عليهم كان لازم يحددولها على أي أرض..

أكيد الحق عليهم ..والا شوووووو!!!!!!!!!!!!!

[هنّوءة]

اليوم بعد ما قريت اللي كاتبينو ... انزعجت مرة ... لانو ما شفت ولا تسجيل للحفلة ...
بس انزعجت الف مرة لما شفت اللي كاتبتو الاخت اخر شي
شهد برمدا فنانة ارقة بكتير مت انو تغني باي مكان و لاي حدا
الحفلة اللي صارت اننقلت على التيليفيزيون و هيدا بحد ذاتو دعم و اثراء مو لشهد و انما لمكتبة التيليفزيون السوري الموسيقية
كمان شهد استضيفت ببرنامج طرب و مغنى على الارضية .... ااخيرا صرت حس بمحاسن عطل الديجيتال
شهد مطربة عظيمة ... وحتى لو غنت بقلب الظلام رح تملا الدنيا نور ... و كل ضباب الدنية ما بيحجب ولا الضجة ولا الدخان ولا ارتفاع او انخفاض المسرح رح يخبي
شهد ما بحاجة لحدا يحاول يبينها ... العيون رح تدور عليها و من بين كل الاصوات ... اذن كل مستمع رح تدور و تفي كل الاصوات ليبقى صوتها ... و تستمتع بالصوت اللي وهبو الله مو بس لشهد ... وهبو ومن فيه على كل انسان سمع و عم بيسمع شهد برمدا

[MayOoOshe]

اختي رزان شي طبيعي ان يكون في باي حفلة عشاء واراكيل
مو بس بحفلات شهد بحفلات اصالة وكل الي سبقوها
يعني برأيك الملعب البلدي محترم اكتر
والناس فوق بعضها والواقفين اكتر من القاعدين
هيدا جو الحفلات بأي مكان مو بس بسوريا
بلبنان وبالارن وبمصر
هيدا ما بيعني ان شهد رح تذبل
بالعكس رح تفتح زيادة يوم عن يوم
ويملأ عطرها الكون

شكرا على النقل

[معك صرف خمسين]

اشكرك على هذا الموضوع




.......

[المحبة لشهد]

شكرا على هذا الموضوع

وبس تعليق على كلام الاخت رزان

بالعكس شهد وين مابدها اتكون

تملى مكانها وهيدي الاجواء هي

بغني فيها الكتييييير من الفنانين

بمستوى راقي بالصوت والحضور

وشهد انسانة بقمة الرقي قبل ماتكون فنانة

وأميرة للغناء وهي اكيد ماترضى لنفسها

الا ماهو راقي وبمستواها الفني الراقي

وهذا الشيء مايختلف عليه اتنين

واتمنالها التوفيق من كل قلبي

والله يحفظها ويحرصها من الحساد

ارق تحياتي

[razano]

اعزائي ..

اول شي شكرا على تفهمكن

تاني شي الملعب البلدي بيسع عشرات الالاف من الناس ..هدول الناس يللي حبت شهد وصوتتلها ..اما العجأة المو طبيعية يللي عم تحكو عنها فهي دليل على كبر المحبة بقلوب الناس للفنان الحقيقي

وفي فرق كبير بين انه يغني المطرب في مطعم لعشرطعشر شخص جايين ليتعشوا ويتسلوا و ( اخر همن يستمعوا ) على شو عم يتغنى.. يعني بالنسبة الهن كلو عند العرب صابون ..يعني راح ( يهزوا ويمزوا على أي صوت )

وبين انه المطرب يغني لجمهور حقيقي معبي الساحات او مدرجات الملعب وجايه حاجز محله على الحجر او على الواقف قبل ساعات بالبرد او بالشوب
كرمال ( يسمع ويستمتع ) لمطربه المفضل وهو عم يغني على وسع المدى

واذا بتسالوا اي فنان وتخيروه وين بيفضل يغني فأكيــــــــد راح يختار المطرح يللي بيفتح فيه صوته وقلبه..
المكان المفتوح ..ان كان مسرح اوساحة او ملعب ..

والله يديم حلب عاصمة للثقافة والفن ..ويديم قلعة حلب صامدة ..وبيجي يوم.. تغني بين أعمدتها وعلى مسرحها الحجري بنتها.. شهد ..لأحلى سميعة ..

قولوا آآآآآآآآآآميــــــــــــن

[احساس شهد]

حساااااافه فاتتنا

إن شاء الله نشوفها على الفضائي

[أحساس الأحاسيس]

نتمنا لشهد كل التوفيق

الف شكر يعطيكم العافيه

[هنّوءة]

شهد ختنور باذن الله كل المسارح
حلب و مهرجان الحبة و الشام و بصرى و جرش و كل المسارح
بايااات