razano
02-26-2006, 11:30 PM
يا جماعة لا تفهموني غلط !!!
تعقيبا على ردي على موضوع حفلة شهد بطرطوس ..بقسم اخبار شهد
يللي كان صادم حبتين ..وهذا هو بيت القصيد !
فأنا من محبتي وغيرتي مو بس على شهد انما على كل موهبة سورية
انعرفت وانشهرت خارج حدود بلدها الأصلي لأسباب هناك داعي لذكرها ..
واذا كنا مقصرين سابقا فهذا لا يعني ان نستمر بالتقصير
سورية هدا البلد الصغير بالمساحة والكبير بالإمكانات والطاقات ..
سورية هدا البلد العظيم يللي نشر الدراما السورية بكل نجاحاتها
يللي بهرت العالم العربي كله وتربعت على عرش البطولة
ليش ما بيكون عندنا شركات انتاج فنية موسيقية
شبيهة بشركات الانتاج الدراما التلفزيونية
ما دام كل ادوات الانتاج والمؤهلات الفنية متوفرة وحتى غزيرة
ليش بنستنى شركات انتاج عربية مجاورة
تشهر فنانينا وتنسب لنفسها شرف الاكتشاف؟
راح تقولوا شهد وقبلها حسام مدنية وقبله رويدا عطية وغيرهم كتير
كانوا معروفين على المستوى المحلي واشتركوا بمهرجانات و و وبس
لو كان هناك شركات انتاج سورية تتبنى هالأصوات النادرة وترعاها كما يجب
لو كانوا اخدين فرصتهم سعرهم بسعر الممثلين
لما فكروا بفرصة ذهبية تأتيهم من الخارج
لو ما اشتركت شهد ببرنامج سوبر ستار في قناة المستقبل
لما كان هذا المنتدى اصلا ولبقيت شهد اسيرة الغناء بمطارح لا تليق بها
وما حصل مع رويدا يتكرر مع شهد وما في داعي نضحك على حالنا
وكانت هالسنة هي الأصعب على شهد
فعلى الرغم من الأجواء المشحونة يللي الصدفة حطتها فيها
وعلى الرغم من أن القناة وكذلك البرنامج ظهر او تظاهر بالحيادية
ولكننا كنا جميعنا نحط قلبنا على ايدنا وصوت شهد يشدو محلقا والعلم السوري يرفرف خفاقا امام عيون الملايين ورغما عن انف البعض!
وكانت شهد قد الحمل وقد المسئولية وعلى الرغم من صغر سنها وحساسية العلاقات بين البلدين الشقيقين فقد كانت الأكثر تماسكا وثباتا
ليش عم يضطر المطرب السوري الى الغناء بالمرابع الليلية ؟ اكيد حتى يعيش
راح تقولوا حتى الاسماء الكبار غنوا بالفنادق والمطاعم
من صباح فخري مرورا بجورج وسوف وانتهاء برويدا عطية
مابعرف مين فيكم بيذكر اسم المطربة ربى الجمال
(اهل اللادقية على الأقل لازم ما ينسوها)
يللي قصة حباتها وفنها واخيرا صراعها مع الإهمال والمرض مضرب مثل
ويللي كانت قد اشتهرت وحصدت الجوائز في دار الأوبرا المصرية بغنائها الفريد لأم كلثوم اما على الصعيد المحلي فلم تحقق شيئا يذكر !
واعود فأقول الحق مو على الفنان بس ..الحق اولا على الدولة
يللي لازم توفر حياة كريمة للجميع فكيف الحال بصفوة فنانيها ومبدعيها
يعني في كتير من الحلول البسيطة والعملية لحتى الفنان يغني..
للكرسي مو للطاولة للشخص الجالس أو الواقف..
بس اكيد مو لـ يللي عم يتعشى ويتمزمز!
بتوفير المسارح الغنائية واستثمارها على اعلى مستوى
ابتداء من المسرح الشعبي يللي ممكن يكون ..
بالهواء الطلق في احدى الساحات العامة او الملاعب
وانتهاء بدار الأوبرا ..ويللي راح يوصلها
ماراح يكون بأقل من الماجدة ..ماجدة الرومي !
أعزائي ..بتمنى تفهموني صح وشكرا سلفا
تعقيبا على ردي على موضوع حفلة شهد بطرطوس ..بقسم اخبار شهد
يللي كان صادم حبتين ..وهذا هو بيت القصيد !
فأنا من محبتي وغيرتي مو بس على شهد انما على كل موهبة سورية
انعرفت وانشهرت خارج حدود بلدها الأصلي لأسباب هناك داعي لذكرها ..
واذا كنا مقصرين سابقا فهذا لا يعني ان نستمر بالتقصير
سورية هدا البلد الصغير بالمساحة والكبير بالإمكانات والطاقات ..
سورية هدا البلد العظيم يللي نشر الدراما السورية بكل نجاحاتها
يللي بهرت العالم العربي كله وتربعت على عرش البطولة
ليش ما بيكون عندنا شركات انتاج فنية موسيقية
شبيهة بشركات الانتاج الدراما التلفزيونية
ما دام كل ادوات الانتاج والمؤهلات الفنية متوفرة وحتى غزيرة
ليش بنستنى شركات انتاج عربية مجاورة
تشهر فنانينا وتنسب لنفسها شرف الاكتشاف؟
راح تقولوا شهد وقبلها حسام مدنية وقبله رويدا عطية وغيرهم كتير
كانوا معروفين على المستوى المحلي واشتركوا بمهرجانات و و وبس
لو كان هناك شركات انتاج سورية تتبنى هالأصوات النادرة وترعاها كما يجب
لو كانوا اخدين فرصتهم سعرهم بسعر الممثلين
لما فكروا بفرصة ذهبية تأتيهم من الخارج
لو ما اشتركت شهد ببرنامج سوبر ستار في قناة المستقبل
لما كان هذا المنتدى اصلا ولبقيت شهد اسيرة الغناء بمطارح لا تليق بها
وما حصل مع رويدا يتكرر مع شهد وما في داعي نضحك على حالنا
وكانت هالسنة هي الأصعب على شهد
فعلى الرغم من الأجواء المشحونة يللي الصدفة حطتها فيها
وعلى الرغم من أن القناة وكذلك البرنامج ظهر او تظاهر بالحيادية
ولكننا كنا جميعنا نحط قلبنا على ايدنا وصوت شهد يشدو محلقا والعلم السوري يرفرف خفاقا امام عيون الملايين ورغما عن انف البعض!
وكانت شهد قد الحمل وقد المسئولية وعلى الرغم من صغر سنها وحساسية العلاقات بين البلدين الشقيقين فقد كانت الأكثر تماسكا وثباتا
ليش عم يضطر المطرب السوري الى الغناء بالمرابع الليلية ؟ اكيد حتى يعيش
راح تقولوا حتى الاسماء الكبار غنوا بالفنادق والمطاعم
من صباح فخري مرورا بجورج وسوف وانتهاء برويدا عطية
مابعرف مين فيكم بيذكر اسم المطربة ربى الجمال
(اهل اللادقية على الأقل لازم ما ينسوها)
يللي قصة حباتها وفنها واخيرا صراعها مع الإهمال والمرض مضرب مثل
ويللي كانت قد اشتهرت وحصدت الجوائز في دار الأوبرا المصرية بغنائها الفريد لأم كلثوم اما على الصعيد المحلي فلم تحقق شيئا يذكر !
واعود فأقول الحق مو على الفنان بس ..الحق اولا على الدولة
يللي لازم توفر حياة كريمة للجميع فكيف الحال بصفوة فنانيها ومبدعيها
يعني في كتير من الحلول البسيطة والعملية لحتى الفنان يغني..
للكرسي مو للطاولة للشخص الجالس أو الواقف..
بس اكيد مو لـ يللي عم يتعشى ويتمزمز!
بتوفير المسارح الغنائية واستثمارها على اعلى مستوى
ابتداء من المسرح الشعبي يللي ممكن يكون ..
بالهواء الطلق في احدى الساحات العامة او الملاعب
وانتهاء بدار الأوبرا ..ويللي راح يوصلها
ماراح يكون بأقل من الماجدة ..ماجدة الرومي !
أعزائي ..بتمنى تفهموني صح وشكرا سلفا