شمعة أمل
05-20-2006, 09:44 PM
كان في كت كتان قاعد بصدر الدكان عم يدق فلفل وقرنفل على حب الهال .. قام أجتو مره تسعينيه(عمرها تسعين) قالتلو لساتك ياكت كتان قاعد بصدر الدكان وعم تدق فلفل وقرنفل على حب الهال ..!!
قالها..شوبدك ياني ساوي ؟؟
قالتلو.. ابتنزل على السوق البزوريه أبتشتري الصره بألف وميه
بتروح على سوق الحمديه بتلبس بدله رسميه ,بتنزل على الأرنه الفلانيه بتلاقي أول حاره مطروشه والتانيه مرشوشه والتالته بالسجاد مفروشه بترن الحلقه ..بترد الورقه بتفتحلك جاريه محندقه مبندقه من سبع رجال مطلقه!!
بتقلها هون ستي عيشه عاشق بهواها بتقلك إيه تفضل ..
والله راح كت كتان متل ماقالتلو التسعينيه ..على سوق البزوريه أشترى الصرى بألأف وميه راح على سوق الحمديه لبس البدله الرسميه وراح على الأرنه الفلانيه لئى أول حاره مطروشه والتانيه مرشوشه والتالته بالسجاد مفروشه رن الحلقه ردت الورقه فتحتلو جاريه محندقه مبندقه من سبع رجال مطلقه قالها هون ستي عيشه عاشق بهواها قالتلو إيه تفضل ... (وبلى طول سيره) شاف كت كتان ستي عيشه ولعبو وغنو وفرحو حتى شبعو بعدين قالتلو ستي عيشه لكت كتان ياكت كتان أنا نعست قامت حطت راسها على ركبتو ونامت قام يعلي وجعتو ركبتو قام شال ركبتو وحط اللحاشه(يعني المخده) وفز يتمشا بهالبيت لقى باب فتح الباب شاف درج ..!! نزل بهالدرج لقى ديار مشي بهديار لقى بــاب كبيــــــر قام فتح هالباب ولقى شومابيخطر على بالكن من الفواكه ..قام إجا بدو ياكل مشمشه قالتلو المشمشه ليك ياخلقت ربي مابتمد إيدك على شي من هون إلا لما تقول قوالي فيكٍ ....... وكل مابدو ياكل شغله تقلو نفس الكلام ويقلها
قام رجع لعند ستي عيشه وقام الحاشه ورجع ركبتو ... وقعد يتزكر شو كان عم يساوي ومين إجا عندو وشو قالتلو التسعينيه ولوين راح..قام نزلت دمعه منو علىخد ستي عيشه قام صحيت وقالت .. بشو عم تفكر ياكت كتان بالمال والأوطان ولا بستي عيشه عاشق بهواها..قام قلها لا والله بالمال والأوطان ..قام لسختو كف!!! رجعتو للأرنه الفلانيه لأول حاره مطروشه والتانيه مرشوشه والتالته بالسجاد مفروشه رجع على سوق الحمديه رجع البدله الرسميه ورجع سوق البزوريه رجع الصره بألف وميه ورجع عم يدق فلفل وقرنفل على حب الهال !!!
(ولا أتاري هاد كلووووو (منام بمنام) ....)
قالها..شوبدك ياني ساوي ؟؟
قالتلو.. ابتنزل على السوق البزوريه أبتشتري الصره بألف وميه
بتروح على سوق الحمديه بتلبس بدله رسميه ,بتنزل على الأرنه الفلانيه بتلاقي أول حاره مطروشه والتانيه مرشوشه والتالته بالسجاد مفروشه بترن الحلقه ..بترد الورقه بتفتحلك جاريه محندقه مبندقه من سبع رجال مطلقه!!
بتقلها هون ستي عيشه عاشق بهواها بتقلك إيه تفضل ..
والله راح كت كتان متل ماقالتلو التسعينيه ..على سوق البزوريه أشترى الصرى بألأف وميه راح على سوق الحمديه لبس البدله الرسميه وراح على الأرنه الفلانيه لئى أول حاره مطروشه والتانيه مرشوشه والتالته بالسجاد مفروشه رن الحلقه ردت الورقه فتحتلو جاريه محندقه مبندقه من سبع رجال مطلقه قالها هون ستي عيشه عاشق بهواها قالتلو إيه تفضل ... (وبلى طول سيره) شاف كت كتان ستي عيشه ولعبو وغنو وفرحو حتى شبعو بعدين قالتلو ستي عيشه لكت كتان ياكت كتان أنا نعست قامت حطت راسها على ركبتو ونامت قام يعلي وجعتو ركبتو قام شال ركبتو وحط اللحاشه(يعني المخده) وفز يتمشا بهالبيت لقى باب فتح الباب شاف درج ..!! نزل بهالدرج لقى ديار مشي بهديار لقى بــاب كبيــــــر قام فتح هالباب ولقى شومابيخطر على بالكن من الفواكه ..قام إجا بدو ياكل مشمشه قالتلو المشمشه ليك ياخلقت ربي مابتمد إيدك على شي من هون إلا لما تقول قوالي فيكٍ ....... وكل مابدو ياكل شغله تقلو نفس الكلام ويقلها
قام رجع لعند ستي عيشه وقام الحاشه ورجع ركبتو ... وقعد يتزكر شو كان عم يساوي ومين إجا عندو وشو قالتلو التسعينيه ولوين راح..قام نزلت دمعه منو علىخد ستي عيشه قام صحيت وقالت .. بشو عم تفكر ياكت كتان بالمال والأوطان ولا بستي عيشه عاشق بهواها..قام قلها لا والله بالمال والأوطان ..قام لسختو كف!!! رجعتو للأرنه الفلانيه لأول حاره مطروشه والتانيه مرشوشه والتالته بالسجاد مفروشه رجع على سوق الحمديه رجع البدله الرسميه ورجع سوق البزوريه رجع الصره بألف وميه ورجع عم يدق فلفل وقرنفل على حب الهال !!!
(ولا أتاري هاد كلووووو (منام بمنام) ....)