كلمة واقفة في زوري !!

[shahdi]

يعني اطلعت اليوم بعد فترة انقطاع على الموضوع المفاجأة ( اسأل شهد .. ) .. وبعدين اطلعت على القوانين المشروطة على الأسئلة .. وبعدين قرأت رد ( شهد ) وهو كالتالي :
fekon tes2alo ay so2al badkon yah ma fi meshekle 3andy be shi
بس في كلمة واقفة في زوري وبدي ( بق هالبحصة ) وأحكيها بغض النظر عن التهديدات المستقبلية التي من الممكن أن أتلقاها كرد فعل على هكذا تصريح ..
يعني إذا القاضي راضي .. وبدها تجاوب على كل الأسئلة .. ليش ( العصي بالدولايب ) ممكن أحدكم يفهمني .. ريتكم ( تشكلوا آسي ) ..

[الشهداوي]

حبيبي انتا يمكن فسرت القانون غلط

بس القصد انو المتعارف عليه لما تسال اي شخص بالدنيا مش بس شهد

يعني مثلا >> ديني >> ما بتسأل واحد انتا ليش مسلم او مسيحي أو .........الخ


يعني سلامة فهمك الاشياء المتعارف عليها بين الناس

و الي مفروض الواحد ياخدها بعين الاعتبار حتى لو ما حطوها بالقانون

و اهلا بعودتك

.....................

[shahdi]

ربنا يخرب بيت اللي يزعلك يا ( شادي ) .. وحياتك ما قصدت شي عاطل .. معليش تجاوز عني هالمرة .. اعتبرها ( تسلل ) ..

[shadi]

اهلا يوزر نيم ..

حبيبي بضن خلص مشاكل وكافي توقيف اسماء ..
يا ألبي نحنا ما بدنا نوقف ولا اسم ولا شي ابدا
بدنياك تكون معنا معزز مكرم وتكون من الاعضاء المميزين
ولا احد يقدر يحكي مع كلمة وحدة .. ولمى بتكون عضو مميز ولا تتعرض احد ..
الكل رايح يحطك فوق راسه ..
اما بخصوص ما ذكرته .. يا ألبي لو ما بنحط هيك قوانين كان هلاء الموضوع هاد فيه مية صفحة
وطبعا كل موضوع له قوانينه الخاصة
ونحنا ما بنحط متل هيك قوانين الا لشي واحد
( المحافظة على المنتدى ) وكلك مفهومية ..

اهلا بيك .. ونتمنى انك تشارك معنا وتكتب وترد بأخلاق عالية

تحياتي

[زيد الرافدين]

انا رأي انو نبتعد عن السياسة والدين
لان هاي الشغلات تخلق حزازات ومشاكل
وسألوني انا عيش بالعراق واعرف هاي الاشياء ( السياسة والدين ) اش تعمل مشاكل
لذلك خلي نبتعد عنها في اي موضوع في المنتدى
وخلونا اخوة ومتحابين
تحياتي

[shahdi]

يا أخ ( شادي ) والله ما أقصد الإساءة ( والله التعى قلبي وأنا أعيد وأكرر في هذه الجملة ) .. بس يعني شوي هيك وشوي هيك .. يعني لازم تأخذوا الأمور بروح رياضية .. مو كل كلام أنا أكتبه أقصد فيه الإساءة والتهجم .. بالعكس أنا فقط أقصد إشاعة روح المرح لا أكثر .. يعني أنا هارب من قوانين الحياة تطلع لي قوانين المنتدى .. والله هذا شيء مُمْرِض .. على كل حال الحمد لله أنك اعتبرت كلامي ( تسلل ) ولم تعتبره ( ركلة جزاء ) .. وبالمناسبة أنا ما عندي أي سؤال أوجهه إلى ( شهد ) لذلك اطمئن من هذه الناحية .. كل ما في الموضوع أني أريد توجيه نصيحة لها بدلاً من السؤال وهذا من حقي .. ولكن في البداية عايز آخذ رأيك في الموضوع .. وسوف أرسل لك رسالة على إيميلك الخاص أوضح لك فيه ما أريده .. ولك مني سلام ..

[albal]

ربنا يخرب بيت اللي يزعلك يا ( شادي ) .. وحياتك ما قصدت شي عاطل .. معليش تجاوز عني هالمرة .. اعتبرها ( تسلل ) ..


http://smilies.sofrayt.com/%5E/3/nono.gif

[الشهداوي]

شرف الشيخ مهند

يا عمي الشب ما حلف

هاد تعبير شعبي ببلاد الشام

مش اكثر

............

[shahdi]

إي ولا يهمك يا عزيزي .. راح أغير الكلمة وأسويها ( وحياة اللي خلق شادي ) .. مبسوط يا عمري .. على طريقة الفنانة أصالة نصري .. كانت دائماً تقول ( وحياة بابا ) .. وبعدين نبهها بعض المشايخ إلى أن الحلفان بغير الله حرام .. فصارت تحلف وتقول ( وحياة اللي خلق بابا ) .. وزي ما قلك الأخ ( الشهداوي ) .. هذه الكلمة هي فقط متداولة لدينا وليست قسماً رسمياً .. أنا لما أقسم قسم رسمي أقول : ( واللهِ العظيم .. بعقد اليمين .. وكسر الهاء ) .. ولا تظن أني ساهي عن حديث رسول الله عليه الصلاة والسلام : ( من كان حالفاً .. فليحلف بالله أو فليصمت ) .. العتب على اللي ما يعرف الـ(Userysname) بعد .. وعلى رأي المثل اللي يقول .. اللي ما يعرف الصقر يشويه ..
صار المثل بهذا المنتدى .. اللي ما يعرف الـ(Userysname) يعمل له إيقاف عضوية ..

[shahdi]

لك روحي نامي بقى ..