فتاة حالمة بس حلمها عم ينتهي

[فتاة حالمة]

الانسان لما بيحكي وبيبكي بيرتاح صح ؟؟ وأنا بدي أحكي لأنو اذا ما حكيت رح انفجر ومالي غيركم أنا هلأ لحالي ما في عندي حدا جدة فاضية وحلب بعيدة

يمكن ناس ملو مني قد ما بقول حلب وغربة وغربة صح أنا ماني قاعدة بجحيم بالعكس تماما بس ...

ما رح أعرف أوصف حالتي ..

صرلي 4 سنين بالسعودية وكل سنة بتكون متل اللي قبلا بس هالسنة غير

حاسة حالي أول مرة بجي عهالبلد حاسة حالي ضايعة ضايعة

وحتى اذا بدي أبكي ما بلاقي محل أبكي فيه

يمكن تقولوا مجنونة بس أنا هالسنة تعلقت بحلب أكتر من كل السنين اللي مضت

لمجرد أني كون عالبلكون بس وشم هواها برتااااح

ولك هون حتى اذا بدي أبكي ما بعرف وين أبكي

أنا عم بحكي وبعرف يمكن ما عم قول مشكلة وبدي حلها بس حبيت أحكي فشة خلق

بعرف كلها سنتين وراجعة عحلب كمل حلمي اللي طول عمري ببنيه بس المشكلة أنو حتى صبر ما ضل عندي

والحياة ما بتنعاش بالبكي اليومي

صح عم سافر عحلب دائما واكتر مدة ببعد عنها ما بتطول عن 8 شهور بس مشكلتي ما عم بقدر ما عم بقدر أتأقلم

أنا حياتي كلها بحلب الناس اللي بحبون هنيك والشغلات اللي بتريحني هنيك وأهم شي أنو لما بدايق بتكفيني أني كون فيها لارتاح

صح الوضع هون أحسن وما حدا بينكر بس الدنيا رح تخلص ما ضل كتير

اسفة اذا دايقتكم

بس ما لقيت غيركم لفش خلقي

مع حبي :s11:

[Manirva]

شذو و الله عصبتيني

خوفتيني و فكرت فيه شئ لا سمح الله

حبيبتي بعرف مو سهل عليك بعدك عن حلب

و بعرف شو حلب بالنسبه إلك و كل الدنيا بتعرف شو حلب بالنسبه إلك

و هل شئ كثير حلو و بيفرح

بس حبيبتي أنتي هيك عم تبعدي نفسك عنها و عم تأذي حالك

يعني مدامك عرفانه أنه كلها سنتين و بترجعي

ليش ما بتفكري شو بدك تعملي بس ترجعي

و شو رح تكون مشاريعك و مخططاتك

و شلون رح تأثبتي ذاتك ببلدك

حبيبتي أنا بعرف شو الغربه و بعرف ألمها

بس الحمد لله أنتي بنفسك عم تقولي أنه حياتك بجده حلوه و منيحه

لذلك الله يرضالي عليكي روحي شيلي هل افكار من راسك

و فكري بالأيام الحلوة إلي قضيتها بحلب

و أشكري ربك على كل يوم بتقضيه ببلدك إلي بتحبيه و بتنبسطي فيه

و أطلبي منه يقويكي و يساعدك على تحقيق حلمك لبلدك

يلا بدي اسمع منك أخبار حلوة

بااااي هلق

[][عطر المكآن][]

اهلين والله باختي شذى

وشكرا للألك لأنك تعتبرينا مثل اهلك وبدك تفشي خلقك هون

الحقيقه معك حق فالمكان الي بتنولدي فيه ما بتقدري تعيشي الا فيه

وخاصتا ان هنيك كل رفئاتك وكل ألأشيا الي بتحبيهون

حتى الهوا ألأرض البيوت الشوارع وألأشجار وحتى العصفير والحيوانات

وكل شي يخليكي تتعلقي بهذا المكان

وانتي اكيد بتحبي حلب لأنك نولتي هنيك واكيد عم تحني لحلب كتير ولكل شي في حلب

وهذا شي طبيعي جدا اختي

وانا نقلت موضوع اسمو ألحنين ألا ألأمس

بدي اعكس ألكلمه او ألأسم وقول

الحنين الى حـــــــلــــــــب

واكيد لو بايدك ما بتتركيه لحلب لأنك متيمه فيه مثل ما شوف

ولكن خلي املك كبير بانك ترجعيله يوم من الايام وما تتركيه

بس من هون لترجعي ما بدي شوفك حزينه على طول

حاولي تتناسي شوي المكان والزمن

ولمى تدخلي على المنتدى خليكي تحسي بانك في حلب

وحاولي شوي تتناسي همومك لأن مش كويس تضلي هيك حزينه

وبألأخير ما يمكن لأحد ان ينسى المكان الي يحبو قلبو

انا ما رح اطلب منك ان تنسي حلب

بس بدي قلك انك تخيلي انك ديما بحلب حتى تطلعي من هي الازمه

وبتمنالك الخير كلو اختي شذى

وان شاء الله ترجعي لحلب وتضلي هنيك


وشكرا لكي على مشاركتك معنا بهمومك

اخوكي جهاد الراوي

[fantastic ..}]

شذووو

قلبووو

هونيها وتهوون

راح الكثير مابقى الا القليل

حاوولي تتأقلمي مع الوضع

غمضي عين فتحي عين تلقين الصيف الجاي قرب

الايام صايرهـ تمشي بسرعه
واذا قرب الصيف الجاي يكون باقي لك بس سنه ومن قدك ساعتها http://www.shahed-barmada.net/up/pic.php?u=40r37kP&i=3509 (http://www.shahed-barmada.net/up/pic.php?u=40r37kP&i=3509)

بجد انا كل مااشوفك كذا بتضيق

حاوولي تنبسطي بجدهـ كلها سنتين وبعدها لاتجينها ابد >>>> كأنها طردهـ خخخخ

امزح معك فتفوته http://www.shahed-barmada.net/up/pic.php?u=40r37kP&i=2798 (http://www.shahed-barmada.net/up/pic.php?u=40r37kP&i=2798)

[مــ الاحساس ـرهف]

شذى

منيح طرحتي الموضوع حتى نساعدك و ان شاء الله نقدر نريحك


اختي اول شي كل شخص مننا الو طفولة عاشها و ايام حلوة ما بينساها و اماكن بحياتوا ما بينساها و بيحنلها كلما اتذكرها
اكيد انتي طفولتك كانت بحلب و ما نسيتي و لا بتنسي لانها احلى ايام العمر

بس بشكل عام رب العالمين خلق الانسان خلق فيه هالطبيعة

اعطيكي مثال انا بحلب و عايش طول عمري و بحب حلب بس بتحسديني انتي و يمكن تقولي عني مو مقدّر الشي اللي انا فيه


انا بصراحة مالل من حلب و بس بدي اطلع منها و دايما لما بكون مسافر برا حلب بحس حالي عايش بدنيا تانية و اول ما برجع ع حلب بتجيني حالة الملل و مللي مو بس من حلب مللي من سوريا كلها

لانو الانسان بشكل عام بحب التنوع مثلا انتي هلق بجدة بتحني كتير لحلب و تتمني تجي تعيشي فيها

بس مع الايام ان شاء الله رح ترجعي ع حلب و تقعدي بس اتذكري كلامي انو ما رح تكملي سنة او اكتر شوي و رح تحني لجدة و تملّي من حلب

و تتمني ترجعي لجدة و اذا صار نصيب و رجعتي لجدة الحالة نفسها رح تملّي من جدة و تحني لحلب

هي حالة طبيعية شذى ما تحطي ع بالك

عيشي حياتك طبيعي و روتينك كلنا عندنا هالملل و الحال من بعضوا و لو تسالي الكل بيقلك صحيح هالشي !


لاثبتلك كلامي ليش بالاحوال العادية الناس من اي مكان كل فترة بيطلعوا مشوار برا البلد اللي هنن مقيمين فيها ؟؟

مو مشان يغيروا جو هادا بيثبت انو ملل شي طبيعي و منعيشوا كلنا

بس الله يصبرك و يبعتلك ايام حلوة يا رب


دمتي بود اختي

[فتاة حالمة]

ماما & جهاد & شوشو & أحمد

بصراحة ماني عرفانة شو قلكم أول شي شكرا كتير كتير ما بتصدقوا اديش انبسطت بمشاركتم الغالية وارتحت ..

ماما الله يسمع منك ياارب وأنا مهما صار حلمي ما رح يتغير باذن الله ولو بعدت عن حلب بعيد الشر سنين طويلة ويمكن أكتر شي مصبرني أنو أنا أحلامي بهالمدينة كبيرة وكبرتها غربتي يمكن لو كنت عايشة دائما هنيك كان اختلف الوضع شوي بس الحمد لله أحسن شي .. ماما أنتي بتجنني الله يريحك ويسعدك ياارب

**************************

جهاد شكرا كتير الك أخي جهاد لولا الأمل كنت طقيت من زمان صح ماني متل غيري بس لأنو أنا من صغري بعشق حلب وقد ما عم حاول بتضل الغصة موجودة .. شكرا كتير الله يسعدك ويوفقك يارب

*****************************************
شوشو العسل شكرا عمرورك اللطيف متلك معلش انا اتقلع ورضيانة والله لو ما أني بعرف الدراسة بحلب اديش صعبة وأنا بدي جمع لأقدر حقق أحلامي كانوا أكيد هالسنتين حسيتون مليون سنة .. الله يوفقك ويهنيكي ياارب

*********************************************
أحمد أنا معك مليون بالمية أنو الانسان بطبعو بمل بس لما بكون عالمو كلو بمنطقة محددة وهادا غلط طبعا بضيع .. انا كل شي بحبو هنيك كل شي بيبسطني هنيك .. انا عكسك ان تقلت بتطلع بتمل انا اذا رحت عاللادقية يومين بمل بقلون رجعوني عحلب يمكن أنت شب وبتقدر تطلع أكتر وتبسط حالك بأي مكان بس أنا بنت ما بقدر .. شكرا كتير عمشاركتك والله يوفقك ويهنيك ياارب

**********************************************رح ارجع قلكم شكرا كتير والله يريحكم
والله يخليلي ياكي يا حلب

مع حبي :27:

[dr.jeje]

الله لا ينهيلك حلم..

ماشاء الله الاعضاء ما قصروا معاكي في موضوعك ونفسيتك..

ومالي كلام بعد كلامهم الا تعقيب بسيط.. انو الواحد يحاول بقدر الامكان يختلق جو له في كل بيئه يمر بيها في حياته,, ففي كل تقلبات حياته يحاول يتأقلب على نفس الطابق الموجود فيه, وأنا أشوف انك لو كان لك علاقات وصحبه في جده كان يعوضك كتير, لانك انت حاطه في بالك انو كل من تحبيهم وتعرفيهم في حلب وبس, وهذا احتكار فكري مش مساعدك ابدا.. هذا عن نفسي وتجربتي فأنا مريت في حياتي ببلدان وبيئات مختلفه الى ان استقريت بالمدينة الحمد لله والله لا يخرجنا منها... لكن في كل بلد اعيش فيه حتى ولو لمدة قصيره لكن اجعل لنفسي فيها شيء..

والله يسهلك ويبسطلك الايام

[فتاة حالمة]

الله لا ينهيلك حلم..

ماشاء الله الاعضاء ما قصروا معاكي في موضوعك ونفسيتك..

ومالي كلام بعد كلامهم الا تعقيب بسيط.. انو الواحد يحاول بقدر الامكان يختلق جو له في كل بيئه يمر بيها في حياته,, ففي كل تقلبات حياته يحاول يتأقلب على نفس الطابق الموجود فيه, وأنا أشوف انك لو كان لك علاقات وصحبه في جده كان يعوضك كتير, لانك انت حاطه في بالك انو كل من تحبيهم وتعرفيهم في حلب وبس, وهذا احتكار فكري مش مساعدك ابدا.. هذا عن نفسي وتجربتي فأنا مريت في حياتي ببلدان وبيئات مختلفه الى ان استقريت بالمدينة الحمد لله والله لا يخرجنا منها... لكن في كل بلد اعيش فيه حتى ولو لمدة قصيره لكن اجعل لنفسي فيها شيء..

والله يسهلك ويبسطلك الايام

شكرا لمرورك أخي د.جيجي وأنا هادا اللي عم حاول أعملو بقضي وقت كتير عالنت والمنتدى ورفقاتي ومااشي الحال الحمد لله شو بدنا نعمل الله يسلمك ويوفقك يااارب

تحياتي

[عاشق_انا]

انا ماعندي شي اقوله بس كلامك اثر فيني
وحبيت ادعيلك بس
يارب يفرج همك ويشرح صدرك ويرفع الضيق اللي بتحسي فيه

[سندريلا]

شذى حبيبتي
حالك من حالي
يمكن أنا مبسوطة بالدمام أكتر ما إنت بجدة بس كلنا بالغربة وبدي قلك إنو الله خلق الإنسان على التأقلم ولو إنو هالشي صعب كتير وتغير كبير بحياتنا...
بس لسا مشكلتنا أهون من غيرنا يعني رح يجي يوم أكيد ونلوح للغربة بإيدينا الوداع...
ونبدأ حياة جديدة بسوريا بالشام وحلب...
ولو طول هاليوم بس رح يجي...الغربة إلها نهاية

بس في مشاكل ما لا نهاية واضحة...
بدنا نتحمل كرمال حلب وكرمال أهلنا يلي عم يتعبوا مشاننا
شذى حبيبتي طولي بالك...وبتهون يا قمر

[Albasha Telmeth]

في الحقيقة ياشذى انا قرأت موضوعك هذا منذ فتره لكن حبيت ان اعلق عليه الآن

انا كنت في مصر سنتين تقريبآ ومع الأهل ايظآ

لكن تبقى الغربع صعبه رغم اني كنت في بلد عربي

قبل مدة كنت اسطنبول ولكن لمدة شهر وليس اكثر

وتمنيت ان ارجع الى الوطن يومآ بعد آخر

الغربه صعبة بكل معانيها

لكن مثل مايقولوا ( للضروره احكام )

اوعدك ثم اوعدك ثم اوعدك

ان يوم من الأيام راح ترجعي لحلب وأرض حلب واهل حلب وتعيشين بين اجواء حلب

وبالنسبة لهذه الجملة
يمكن ناس ملو مني قد ما بقول حلب وغربة وغربة صح أنا ماني قاعدة بجحيم بالعكس تماما بس ...

بالعكس والله

انا اول ادخلت للمنتدى كان اسمك امامي في اي قسم اذهب اليه

وكنت لا اعرفكي تمامآ

وفي وقتها اعرف حلب ولكن لم اعرفها عنها المزيد وانما اعرف عنها اشياء بسيطة

لكن بعد كلامك حول حلب والله اشتياقي يومآ بعد يوم لزيارة حلب لأن كلامكي وضعني في تشوق تام لزيارة هذه المدينة ولأرى طبيعة هذه المدينة وبعيدآ عن هذا كله فزاد احترامي لكي لأنكي متمسكة بأصولك الحلبية وحبك لأهلك واصدقائكي في حلب مع كل الأحترام لكي والتقدير

ونصيحة من أخ عراقي ( حاولي ان تنظري الى عملكي ودراستك الآن لترفعي اسم حلب عاليآ وترجعين الى حلب مرفوعة الرأس ان شاء الله )


تحياتي لكي

[هنّوءة]

هايات
طبعا ردي كتير متاخر و يمكن رح يخلص الفصل الدراسي الاول بمدرسة فتفوتتي
ورح يبقى 3 فصول و صيفية لترجع و تنور سوريا مرة تانية
الشي الي بيخليني ارد هلا مع انو ردي متاخر هو العنوان
غريب انو فتفوتتي مع كل احلامها الكبيرة جدا لما بتحكي عنها بيكون في اصرار قوي كتير كتير
الي بيسمعها ما بيحس انو في بنت صغيرة بتحكي بل بيحس انو في مشروع كبير رح يصير بحلب على ايديها
لو انو كل اولاد البلد متلها صدقوني كانت بلدنا بتصير اهم بلد بالعالم
غربتها كانت دافع كبير ومحبتها لحلب ولسوريا تضاعفت بسبب بعدها عن البلد و صار حلمها انو ترجع
وفعلا رح ترجعي يا شوشو فليش بتقولي انو حلمك عم ينتهي بالعكس
حلمك عم يبدا و عم ينرسم مع كل يوم بيمضى و عم تقربي منو شوي شوي
بقيان شوية صبر ولازم كتير ارادة و كتير قوة و كتير اندفاع و هالشي كلو موجود عندك بقوووة
الله يحميكي يارب و كلنا معك و باذن الله رح نشوف اسمك عم بيعلي مع اسم مدينتك .. ورح نتذكر هالوقت باذن الله .. لان الي عندو هيك امل و هيك اندفاع ليحقق حلمو حلمو مستحيل ينتهي الا لما يصير واقع ملموس
سلام

[((P!nK AnGel))]

شهد الله يسامحك أيه :21: :21: :21: :21:


وقفتيلي قلبي :21: :21: فكرت صاير معك شي


:21: :21: حتى عم ببكي :8:


قوليلي شو بأيدني نعملو :21: هاانت مو باقي شي خلص وبترجعي وبتنبسطي وهلق بعد اقل من شهر رايحة لحلب :21:

شهد معقول انت ندمانة على انك بجدة :21:


بتعرفي لو بندم بيوم بكون مبسوطة بكل

الأيام أكتر ليش :21: لأنو لو ما كنتي بجدة

ماكنت اتعرفت عليكي :21: ولا كنا متل ما

نحن هلق :21: ويلي زعلانة منو أكتر أنك

ماعد دقيتتيلي تشكيلي متل قبل :21:

عنجد عم ببكي مقهورة من قلبي كيف هيك وقطعنا عن بعض بعد ماكنا دائما نحكي
مع أنو دائما عالنت سوا :21: بس بهالدنيا غير :21: :21: :21:


ماعد أتركك :21:

[((P!nK AnGel))]

الموضوع قديم :21: فكرتو جديد :21:


انحرق دمي عالفاضي :19: دبب

[nour of]

بحب وجه احلي تحية للمبدعة الصغيرة شهوود ويا رب يبقي دربك منور بالشموع وما تنطفي ولا شمعة واذا انطفت شمعة لا سمح الله بتمني اشعلك مكانا اصابعيصدقيني بتستاهلي اكثر من هيك