حظي السيء مع شهد ..... هل ينتهي ؟؟؟

[الشهداوي]

انا اعتد الحظ السيء في حياتي

و خصوصا مع شهد

يعني تخيلوا انو انا عايش بالاردن

و اذا طلعت شهد على التلفزيون السوري او اي قناة فضائية حتى ما بشوفها

لأنو التلفزيون عنا شبه موقوف عن الخدمة

و لساتني ما معي رخصة الي اركب هالسيارة و اطلع اشوفها بسوريا

و حتى جيتها السنة على الاردن

راح تكون في نص فترة امتحاناتي ( البكلوريا , التوجيهي , الثانوية العامة )


يعني ما راح اشوفها

و مؤخرا حتى التلفون ما عم يعلق معها

و المسنجر ما بفوت الا تكون دايما مشغولة

الله يعينها ....


و يا خدني و ارتاح من حظي الي ما راح يتكرر بالتاريخ

انيل منوا

.................................

[0ـُرجان]

بتهون حبيبي بتهون الله يسر الامور

.......... سلام ...........

[albal]

طول بالك يا عزيزي

البذور ما تصير شجرة في يوم وليلة http://smilies.sofrayt.com/%5E/r/biggrin.gif

[مــ الاحساس ـرهف]

حبيبي اياد طول بالك اذا الك نصيب تشوف شهد بتشوفها غصب عن الكبير و الصغير بس لا تدعي على حالك هيك الله يوفقك

[ماحدا]

يا لا اياد بسيطة شو بدك تسوي طول بالك وانشالله بتشوف شهشود عن قريب

[shahdi]

كيفك يا عزيزي ( الشهداوي ) .. وكيف الأردن .. تدري صار لي أكثر من سنتين ما رحت الأردن من آخر مرة كنت هناك .. وما أدري متى راح تتاح لي زيارة البلد مرة ثانية .. لي فيها ذكريات .. علمها من علمها وجهلها من جهلها .. المهم أما بخصوص موضوعك .. فاسمح لي أحكيلك الكلام التالي وأتمنى تقرأه حتى الآخر :
ولو أني أنا شخصياً ما أحب النواح والعويل والبكاء على الأطلال .. ولو أني أيضاً ما أحب أبوح بأحزاني .. أنا من النوع الذي يمتص أحزانه .. أحزن لوحدي .. وما أحب أشارك أحد بأحزاني ..
بس الحقيقة الحق معاك .. في بعض الأحيان .. تحس أن الدنيا كلها ضدك وأن الظروف تعاكسك عن سابق إصرار وتصميم .. ولكن بالمقابل فإننا أحياناً نعمد إلى تضخيم الأمور ونعطيها أكبر من حجمها ، فمثلاً معظم الأشخاص الذين ألتقيهم أو الذين أقرأ كتاباتهم يرددون الكلام نفسه ( أنا حزني أكبر من الدنيا .. وأنا حزني ما أحد يحمله .. ) وإلى آخر هذا الكلام .. وفي النهاية راح نكتشف أن كل واحد فينا حزنه أكبر من الدنيا .. وأن حزنه ما أحد يطيق احتماله .. هلأ الشيء اللي أنا عايزك تعرفه أن الأحزان تتفاوت تبعاً لحقيقة إدراكنا للأمور وفهمنا لها .. يعني الشيء الذي يحزنك قد لا يحزنني نظراً لاختلاف نظرتنا إلى الأمور وخبرتنا ومعرفتنا بها .. والشيء الذي قد يسبب لك حزن من وجهة نظرك أو من زاوية معينة .. هذا الشيء نفسه قد يسبب لي وجعاً لا يطاق ولا يحتمل بناءً على نظرتي لذات الموضوع ولكن من زاوية رؤية أخرى .. وسعة معرفة أكبر ..
أنت مثلاً عم تشتكي من عدم قدرتك على رؤية العزيزة ( شهد ) بالرغم من سعيك المتواصل لذلك .. ولك في ذلك كل الحق وثق بأني لا ألومك لا أنت ولا سواك .. طيب شخص زيي ماذا تتوقع يقول وكم تتوقع من المفروض أن يبلغ مدى حزني .. يعني ما هو برأيك الحد الذي لما تراني تجاوزته في الحزن راح تقول لي : ( أنت تجاوزت حدك في الحزن .. والمسألة ما تستأهل كل هذا الحزن ) .. لما تعلم أنه بالرغم من قدرتي على رؤية ( شهد ) ومكالمتها .. فإني ممتنع وبملء إرادتي عن ذلك .. ولو يطلع بيد قلبي يغتالني ما بيقصر لأنه راح يجن على ما يكلمها وأنا قاعد أحايل فيه عشان يسمع كلامي .. لأنه للأسف ثمة أمور العقل هو صاحب القرار فيها وليس القلب .. وأين هو برأيك ذلك الشاطئ الذي يجب أن تتكسر عليه أمواج حزني لما تعلم أنه يا ريت الموضوع ينتهي عند حدود رؤيتي
لـ ( شهد ) أو مكالمتها أو لقائها .. للموضوع أبعاد أكبر من ذلك بكثير .. يعني يا محلى عدم الرؤية وعدم المكالمة اللذين تشتكي منهما أنت أمام ما خفي عنكم أنتم الأعضاء وما أنا أعلمه ( وثق بأني لا أتباهى ولا أشوف نفسي عليكم بهذا الكلام ولكن هذه الحقيقة وعليكم أن تقبلوها زي ما أنا شايل الجمر بيدي وصابر وراضي ) .. وهذا ( الذي خفي ) مسوي لي قلق دائم ما أرى له نهاية إلا أن يتداركنا الله برحمة منه .. وأتوقعك تذكر لما كنت أكلم الأعضاء من فترة وأبديت رأيي في موضوع وثارت ثورتكم ضدي .. وكأني عدو ولست بصديق ناصح .. المشكلة يا عزيزي أني أملك من دراية بالأمور ما يؤهلني لمعرفة نهايات الأمور من مقدماتها .. ولست في حاجة أن أخوض التجربة لأعرف نتيجتها .. ( ويا ريتني لا عرفت ولا دريت ) .. تدري ليش .. لأن من يعلم ليس كمن لا يعلم .. يعني الإنسان المصاب بنزيف داخلي ما يحس عليه .. يعني في أسوأ الأحوال راح يؤدي النزيف إلى سقوطه فجأةً .. أما اللي شايف الوجع بعينيه وعم يتألم .. ولا هو قادر يداوي نفسه .. ولا هو قادر يتناسى وجعه .. هنا الطامة الكبرى .. أنا يا عزيزي استلمتني الحياة عشرة بلدي وما تركتني إلا وقد أطلعتني على كافة خباياها وخفاياها .. أدخلتني إلى ما وراء الأماكن وإلى ما وراء الكواليس .. وأطلعتني على حقائق الأمور كما هي عليه بدون مجاملات ولا أقنعة .. وخلني أصارحك بشيء .. هذه الخبرات التي تحصلت عليها تسوى الدنيا بما فيها .. ولكن طبعاً زي ما تعرف الحياة ما تعطي شيء مجاناً .. وعليه فأنا لا زلت أدفع من دمي وأعصابي ودموعي وألمي وحزني وسهري وتعبي وجنوني وغضبي ضريبة تلك المعرفة والخبرة .. هل تدرك يا عزيزي أنه أصعب من الموت انتظار الموت .. أنا هذه حالتي .. أنا أعرف النهايات التي ستؤول إليها الأمور آجلاً أم عاجلاً .. وما باليد حيلة .. جالس أنتظر هذا كل ما أستطيع فعله .. يعني الوجع وجعين .. وجع انتظار ما ليس منه مهرب .. ووجع ووقوع هذا المقدر .. آسف طولت عليك .. بس كان لا بد من هذا الكلام .. لأني فعلاً في حالة تعب دائم .. دائماً ما أجد نفسي وحيداً .. لم أجد من لديه الجَلَد والنفس الطويل عشان يكمل معاي المشوار ويكون إلى جانبي ونحاول نصلح ما يمكن إصلاحه وننقذ ما يمكن إنقاذه .. ولكن وحدي ماذا عساي أن أفعل .. وعليه فأنا لا أملك إلا أن أقول لك يا عزيزي ما لك غير الثقة بالله والتعلق بأسباب رحمته .. وأنا دائماً ما أردد هاتين العبارتين ( إنا لله وإنا إليه راجعون ) .. و ( حسبي الله ونعم الوكيل على هذه الدنيا ) .. وأنا ليس لي بعد كلام رب العالمين كلام .. ولكلامي هذا بقية ولكني سأقوله فيما بعد ..

[زيد الرافدين]

يلا اخي شهداوي مامشكلة
الصبر مفتاح الفرج

[عاشقة ومجنونة شهد]

الشهداوي
طول باللك اخوي
وانشاء الله تشوف الملكه عن قريب

[ღكــزبــك حــلـــوღ]

اياد فعلا موضوعك احسسني بالذنب

يمكن كان لازم احكي عنك لشهد اكثر

مش لأنك تحب شهد بس لأنك صديق

واتمنى من كل قلبي انك تشوفها و ياريت اساعدك

انا في الخدمة...

[الشهداوي]

شكرا لكم جميعا على هالمؤازرة

و شعوركوا اللطيف معي

و الله يسمع منكوا

و ياااااااااااااااااريت

اذا حدا بقدر يساعدني بأي اشي

يقلي

يعني اذا بطلب منكوا اشي

فما بطلب غير هالمساعدة


و الف شكر حبايبي

......................

[رحيق الشهد]

اخي اياد

طول بالك

ان شاءالله شوف شهد في اقرب وقت ممكن

اذا انت بتحكي هيك

فكيف انا ؟

لان وضعنا في العراق غير شكل واعتقد تعرف بهذا الشي

وانا امنية حياتي ان ارأى شهد

وهل ياترى تتحقق امنيتي ؟

ولاتدعي على حالك اخي اياد بعيد الشر عنك

وان شاء الله تشوف شهد بعون الله

تحياتي لك اخي الكريم

اختك صبا

[الشهداوي]

ان شاء الله انا راح اقدر اشوفها

و انتي كمان

وشكرا الك على الرد حبيبتي

................

[متيم شهد الأول]

طول بالك حبيبي اياد ما بعد الضيق إلا الفرج

إن شاء الله رح تشوف شهد يعني وين بدها تهرب رح تشوفها يعني رح تشوفها

[RUBA]

اي طول بالك إياد

خلص انت تعا على سوريا

لتخلص امتحانات

وانا بدبرلك تشفوها لشهد

على اساس انا جارتها وبمون عليها

هههههههههه

خلص كبرا بتكبر صغرا بتصغر .....

[الشهداوي]

شكرا ربا

مهو الي قاهرني

انو روحة سوريا شكلها راح تخرب من هلا

بس الي صبرني

اتو جيت شهد على الاردن صارت بعد الامتحانات

يعني

لعل و عشى اقدر اشوفها


وشكرا الك على الرد

حبيبتي

..........

[هشام ابوسعد]

طول بالك شهداوي انشالله بنشوف شهد انا وانت عن قريب يا رب

[Little Crown]

انا حالتي اسؤا من حالتك بكتيير ومو قادرة اعمل شي و كتير حاولت بس مجرد اني احصل على ايميلها بس وبس مع هيك ما حد رد عليي
وياريت انا كمان ساعدوني لأنو انا كمان عندي امتحانات (بكالوريا) وعم فكر فيها ع طول ومو عارفة ادرس
وكمان هيك ما بعرف كتير حاسة انو ما الي وجود في هل المنتدي وما حد بيرد عليي وحاسة حالي لحالي

[رامي-الموصلي]

اصبر و اكيد راح تشوفا بيوم من الايام

[ferasm]

lama obiedat

حاسة انو ما الي وجود في هل المنتدي وما حد بيرد عليي وحاسة حالي لحالي

هالحكي ليس دقيق ،
كل عضو يطلب شيئا من الادارة والمشرفين فورا الجواب يكون لديه ،

بخصوص أميرتنا شهد،

قلنا أكثر من مرة وهالكلام الذي قلنا هو واقعي ، [أنة كل من يريد التكلم مع شهد عليه باتمرار المشاركة ف يالمنتدى حتى يقدر على التكلم مع أميرتنا شهد برمدا ،

وكل واحد منا حاليا يتكلم مع شهد مر بالكلام الذي أكرره عليكم ،
يا أهلا وسهلا فيكي وبكل الأردنيين ،

نورتي ،

[الشهداوي]

انا حالتي اسؤا من حالتك بكتيير ومو قادرة اعمل شي و كتير حاولت بس مجرد اني احصل على ايميلها بس وبس مع هيك ما حد رد عليي
وياريت انا كمان ساعدوني لأنو انا كمان عندي امتحانات (بكالوريا) وعم فكر فيها ع طول ومو عارفة ادرس
وكمان هيك ما بعرف كتير حاسة انو ما الي وجود في هل المنتدي وما حد بيرد عليي وحاسة حالي لحالي

أول اشي اهلين فيكي بينا يا لمى

ثانيا .. قصة انو ما حدا اهتم فيكي

والله مش عارف ليش بتحكي هيك

يعني اذا راسلتي واحد او 2 و ما ردو لأي ظرف

خلص بيطلع معك غنو ما حدا بدو اياكي !!!


هي مثلا انا .. الي زيك من الأردن

ما راسلتيني ... و لا سالتيني

مع اني متأكد انو حتى غيري ما بيكون قصر معك



المهم بدي اكدلك شغلة من خلال هالموضوع الي انا كاتبو

الي هي انو بيستمر بالمنتدى آخرتو مو بس يحكي مع شهد

لا و يشوفها شخصيا كمان ...


هلا الموضوع هاد اذا بتلاحظي منزلوا بتاريخ

05-23-2006

يعني ماشالله اقل من شهرين و بيصرلوا سنتين كاملات

و خلال هالفترة عاش ناس و مات ناس و صارت بلاوي

يعني مش بس حكيت مع شهد

لا و رحت سافرتلها لسوريا

و بدل المرة مرتين

و شفتها على الطبيعة و قديش انها بنت رائعة


يعني انا حاسس فيكي لأنو عشت نفس الظروفك و أكثر

يعني كنت بدي اشوفها بوقت التوجيهي

و ما كنت عارف ادرس ... و رسبت مادة و عدتها

بس بالآخر شفتها ...

فبنصحك هلا اهتمي بدراستك

و انشالله بيكون حلاون نجاحك

انو تحضري حفلة لشهد و تشوفيها و تسلمي عليها


و اهلا و سهلا فيكي ...

[&wissam&]

لمى نفس الكلام اللي قالوه فراسو وايادو


بس سؤالي الك اياد

بعدك هلء عند نفس الكلام اللي قلته بالموضوع؟
خخخخخخخخخخ

[0ـُرجان]

طول بالك اخي شهداوي الا ما تشوفها لشهد وينتهي حظك السيئ








































خخخخخخخخخخخخخخخخخخ
:1::1::1::1::1:

شفت شلون ما قلتلك قبل سنتين بتهون ليكها هانت :18:

بس وينك نصيحة مني قفل الموضوع لانو خايف ما يجي حدا بعد عشر سنين بعد ما يصير عندك "عرّ ولاد" :1: ويقلك طول بالك اخي الا ما تنحل الامور


:13::13:

[الشهداوي]

بس وينك نصيحة مني قفل الموضوع لانو خايف ما يجي حدا بعد عشر سنين بعد ما يصير عندك "عرّ ولاد" :1: ويقلك طول بالك اخي الا ما تنحل الامور


:13::13:


ولللللللللي !!!

لك و 100 ولييي !!

مو مشان شي ...

بس اذا بدي كون بعد 10 سنين متجوز و عندي عر ولاد

فهاي لحالها مصيبة

و ما الها حل ..

ههههههههههههههههههههههههههههههه