عاجل/ عمل جراحي للشهداوي /

[ferasm]

اخوتي وأخواتي أعضاء المنتدى ،

ترددت كثيرا وانا اكتب لكم هذا الخبر ، وما وددت ان اكون انا الذي أنقل لكم مثل هذا النبأ، لأن الذي نتحدث عنه في خبرنا هذا أخ غالي علينا كثيرا كثيرا ،نشيط ومرح وظريف جدا وعاطفي ايضا من الطراز الممتاز .

لكن الظروف أحيانا تفرض علينا ان ننشر مثل هذه الأخبار، ولأن الشخص الذي نتحدث عنه هو لب وفحوى النبأ، وجميعنا على ما أعتقد نكن له كل المحبة والوفاء لشخصه الكريم ولتميزه الدائم في المنتدى .

فما استطعت الا ان أخبركم بهذا الأمر الا بعد أخذ الموافقة منه عبر أخي احمد ( أسير شهد ) الذي استلم راية العضو المميز منه مباشرة .

اخوتي وأخواتي أعضاء المنتدى ،

اخونا اياد الشهداوي ، سيخضع لعمل جراحي خلال الــ 48 ساعة القادمة ،
وكماعلمت من اياد شخصيا ومن المتواصلين معه بشكل دائم بأن هذه العملية لا بد منها لإياد ، لكي يستعيد عافيته ونشاطه الذي عهدناه عليهما، ومرحه الذي لا ينقطع أبدا والذي يملأ الجو راحة وسعادة وهناء.

وبما أننا في المنتدى مثل (الجسد الواحد الذي اشتكى منه عضو تداعى له سائر الجسد بالسهر والحمى).

أقول لاياد بان وجعك هو وجعنا وباننا بانتظار عودتك للمشاركة معنا في صرح الاميرة( شهد برمدا).
و اننا دائما ندعو لك بالسلامة والشفاء العاجل.

وياجبل مايهزك ريح.

[مــ الاحساس ـرهف]

شكرا فراس كتير لالك على تنزيل الموضوع
و طبعا متل ما سبق و ذكرت اني نحنا كلنا جسد واحد
و روح وحدة كمان و الله انا شو ما كنت عم اعمل من لما قلي اياد
و انا بدعي الله يقومه بالسلامة لاني عضو فعلا
نشيط و رائع كعضو و كشخص بكل معنى الكلمة
و ان شاء الله يا اياد بترجعلنا سالم غانم
و معداية انش اء الله

فراس شكرا مرة تانية عالموضوع

[الســــــــــا@ــر]

تقوم بالسلامه حبيبي الغالي وانشاء الله بتررررررررررررررررررررررجعلنا متل اول
ومتل ماقالوا الشباب يعني كلنا واحد قلوبنا معك

[suzan]

انشالله يقوم بالسلامه ويتعافي بسرعه
وشكرا علي نقل الخبر ومن قلوبنا جميعا ياريت نصليله

[shadi]

اهلا اخي العزيز فراس ،

قلوبنا ودعواتنا للأخ اياد للشفاء العاجل .
واجراء هذه العملية بنجاح ويستعيد عافيته
ومن ثم يعود إلينا سالم غانم بأذن الله تعالى ..

ترجع لنا بالسلامة اخي العزيز اياد
وآمانينا ان ترجع إلينا بأسرع وقت ممكن
مع اطيب التحايا

[رحيق الشهد]

اهليين اخي الكريم فـــــــــــراس

تقوم بالسلامة اخي اياد
وترجعلنا احسن من الاول
ودعواتنا الك
ان شاء الله ترجعلنا سالم غانم
وبصحة وعافية

دمت بصحة وعافية

[mizyana]

تقوم بالسلامة ان شاء الله اخى اياد
وترجع لنا فى اسرع وقت
تمانياتنا لك بدوام الصحة والعافيه

[الشهداوي]

هلا شباب و صبايا ؟؟؟

كيفكوا ؟؟؟؟


الصراحة انا اول ما قرأت العنوان ضحكت

" عمل جراحي للشهداوي "

زي" عمل فني لبكاسوا "

فكرت حالي انا دكتور و عامل عملية لحدا

ههههههههههههههههههههه


بس على فكرة هيك احرجتوني !!!!

بعد كل هالحكي الحلو

و الوقفة

اروح انا اطيب !!!

مش حلوة

بيروح كلو على الفاضي بعدين

لازم موتة محرزة عشان استاهل كل هالحب

هههههههههههههههههه


بدكوا الصراحة انا قاعد بكتب اي اشي

زي الاهبل و لا المجنون

يعني مش عارف شو احكي ؟؟؟؟

حاسس ما عندي كلام

حاسس في مليون شغلة شاغليتني هلا

مش عارف شو خلاني اقعد على النت

و انا كمان ربع ساعة تقريبا طالع على المستشفى


في شغلة شاغليتلي بالي كتير ؟؟؟

هلا انا لو فرضا متت مش مشكلة نتيجة متوقعة

و كلشي تقريبا جاهز

بس فرضا لو طبت " تعافيت , شفيت "

حاسسها راح تكون فضيحة !!!!

كيف بدي ارجع احكي لكل الي عرفوا اني تعبان و اني مريض

اني هيك خلص طبت و شفيت

الحمدلله هاد اشي غير متوقع " اني اطيب يعني "



المهم يا جماعة

اهم اشي

تديروا بالكوا على حالكوا

تضلوا صحاب و حبايب


و اهم اهم اشي كمان

شهد

لا تنسوها

و لا تتركوها

تحت اي ظرف

انا الصراحة ما بعرف شو الي ربطني بشهد لهدرجة

سبحان الله


و كمان شغلة

حتى لو هي مثلا صدتكوا في فترة من الفترات

( وبتوقع شهد ما بيطلع منها هيك اشي )

خليك و جنبها بفعلكوا

حتى لو هاي مش عارفة



انا مش عارف قاعد بعطي تعليمات بصفتي ايش بالزبط ؟؟؟؟

بس ما بعرف

ما بقدر اقلكوا اكثر من انو هاد

احساس

مش عارف شو بدي احكي



هي الوالد بنادي علي

و الزمور اشتغل

هههههههههههه

لازم اروح

سلامي لكل واحد او وحدة فيكوا

وشكرا

شكرا

شكرا

سلام.........


.

[ღكــزبــك حــلـــوღ]

قلبنا معك

وروحنا معك...

الله معك يا شهداوي يا اصيل

[عاشقة ومجنونة شهد]

اهلين اخوي فراس

قلبنا معك

وروحنا معك...

والله يقومك بسلامه اخوي اياد

[عاشق شهد]

الله معك اخي العزيز وما تقلق على شهد
شهد بعيوننا
والله يرجعك النا بالسلامه

[لوسي1]

اياد الله يرجعك بالسلامة يا رب و ترجعنا احسن من قبل ان شاء الله و الله مو عارفة شو بدي قول عن جد بس الي بدي قولو عن جد انك انسان كتير طيب و ناطرينك ترجعلنا احسن من قبل يالله ناطرينك

[toufic_saade]

Salemtak ya Iyad
ya zalame chaghaltelna belna
nchalla btet3efa ariban w bterja3 ariban la nachatak l tabi3e
Salemit albak

[hanaa1988]

iyad kenet 3am te7ki ka innak 3am touktob wasiyyé.
heheh

inshallah t2oum bel salamé w terja3 mitl el awwal w a7sane.

natrinak

[Sezar]

تصدق يا شهداوي أنا ماشفت الموضوع لبعد سنة من تنزيله رغم هيك ارتعبت لأني قرأت الموضوع قبل ما شوف التاريخ اللي نزل فيه وعن جد ما دريت بالموضوع كان متخبي عني بس لاقيته، وحتى لو متأخر بدي قلك الحمد لله على السلامة عن جد خوفتنا عليك...

[عصي الدمع]

تقوم وترجع لنا بالسلامة

يا إياد

الشهدواي

والله يشفيك

ويشفي جميع مرضى المسلمين

ولا تشوف مكروه

[نسمة الربيع]

اياد ندعو الله تعالى ان تقلملنا بالسلامة و ترجع للمنتدى و النا بمشاركاتك الحلوة و المهضومة و دير بالك عحالك و دعواتنا اكيد رح تكون معك بكل لحظة بالمستشفى و بمرحلة النقاهة .....

الله يتمملك على خير و تقوم بالسلامة يا رب

[Manirva]

تقوم وترجع لنا بالسلامة

يا إياد

الشهدواي

والله يشفيك

ويشفي جميع مرضى المسلمين

ولا تشوف مكروه


&

اياد ندعو الله تعالى ان تقلملنا بالسلامة و ترجع للمنتدى و النا بمشاركاتك الحلوة و المهضومة و دير بالك عحالك و دعواتنا اكيد رح تكون معك بكل لحظة بالمستشفى و بمرحلة النقاهة .....

الله يتمملك على خير و تقوم بالسلامة يا رب

يا جماعه حلو كثير إهتمامكون

و الأحلى دعواتكم لأياد بالصحه

بس نشكر الله إياد بخير وصحه ممتازه

و هذا الخبر قديم كثير

يعني عمره سنه << خوفتوني بالأول

شكرآ إلكون

و دوام الصحه للجميع ..........