المجلس الاعلى لهيئة الشهداويين المحترمة (اقتراحات واجراءات للنهوض بالقسم )

[0ـُرجان]

مرحبا يا شهداويين شو اخباركم

حبيت افتح هدا الموضوع مشان نناقش جميع السبل والطرق والاقتراحات والاجراءات الي ممكن نساويها من اجل الارتقاء وتحسين وضع قسم الشهداويين العظيم

فبتمنى منكم جميعا المشاركة وانو تتكلموا بكل صراحة عن المشاكل يلي شايفينها بالقسم مشان نتشاور لايجاد حل مشترك لها
وبالاضافة لهدا الشي بتمنى منكم ايضا اضافة اي اقتراحات لعمل موضوع جديد معين او فكرة جديدة لقسم الشهداويين من اجل التطوير

وطبعا خلونا أيد بأيد ننطلق بهذا الصرح العظيم الى القمة

مع كل حبي وتقديري

سوبرستارجاوي

[0ـُرجان]

انا على سبيل المثال في شغلة حابب اني اتكلم عنها بصراحة
|| قضية المواضيع المتعلقة بالسيارات ||
طبعا لا خلاف على انو كلنا شباب وبنحب الموضة والسيارات والدراجات والامور العصرية الخ .... بس يا شباب المشكلة يلي صايرة انو مواضيع السيارات عبتاخد من اهتماماتنا مواضيع كثيرة بستحق انو نطرحها هون ايضا ونعطيها حقها بالقسم
مشان هيك انا بقترح تطبيق اجراءات لتحديد كمية المواضيع الخاصة بالسيارات في القسم
فما هو رأيكم ؟؟
الجلسة الاولى الآن مفتوحة للنقاش بهذا الموضوع

[الشهداوي]

انا بقول انو كلامك فيه وجهة نظر

يعني 80% من مواضيعنا سيارات

بس مش شرط نحدد كمية

ممكن اي عضو عندوا موضوع غير السيارات يحطوا



او



انو يكون موضوع السيارات كل يوم على واحد

فبهيك ما بينزل غير موضوع سيارات واحد باليوم



و شكرا على الفكرة الحلوة

[مــ الاحساس ـرهف]

كلامك رائع ياسر و اقتراح اروع


بس انا برايي كل واحد ياخد مهمة


يعني مثلا السيارات على واحد


و الالبسة على واحد و هيك يعني



بس طبعا اللي بدهن يستلموا هالشغلات بدهن


يكونوا قدها مو يوم ينزل و عشرة لأ

[مجنون شهد الأول]

مشكور يا سر على الطرح الحلو

وبرايي فعلا يصير اتفاق حول نوع وعدد

المواضيع المدرجة باليوم الوحد

وانا جاهز لاي شي بتقترحوا

[0ـُرجان]

شكرا كتير شباب -- اياد - احمد - حسام -- على تفاعلكم

انا فهمت من مشاركاتكم انكم على استعداد لتحويل اضافة المواضيع في قسم

الشهداويين الى برنامج منظم ومتفق عليه

ومن هنا انا الآن بانتظار آرائكم

ماهي المواضيع التي تستحق ان تطرح هنا بشكل منتظم

يعني على سبيل المثال

سيارات -- دراجات نارية -- موضة -- البسة -- الكترونيات -- رياضة -- حول العالم

اذا اتفقنا مثلا على تبني هذه المواضيع

نقسم العمل بيننا بشكل يومي مستمر لطرح هذه المواضيع بانتظام

يعني :

سيارات ---- احمد
دراجات نارية ----- حسام
موضة ---- اياد
البسة ------ انا
الكترونيات ------ فلان ان لم يوجد مثلا احمد
رياضة ------ فلان ان لم يوجد حسام
حول العالم ----- فلان ان لم يوجد اياد وهكذا ----- الخ ----

واتمنى بالفعل ان يشارك الشهداوين جميعا في المنتدى بهذا البرنامج المنظم ولا يقتصر مفهوم شهداويين على ( احمد - حسام - اياد - ياسر ) وكلي امل فيكم ايها الشهداويين
انا اعتقد ان هذا الموضوع ممكن ان يعطي دافع قوي للشهداويين بالمشاركة الفعالة والايجابية اذ انه بذلك يصبح هاجس الواحد فينا هو ارضاء البقية الذين ينتظرون منه موضوعا معينا
------------------

ارجو منكم ابداء الرأي بما قلته عن البرنامج المنظم وايضا ما رأيكم بالعينة التي وضعتها

( سيارات -- دراجات نارية -- موضة -- البسة -- الكترونيات -- رياضة -- حول العالم)

هل لكم ملاحظات عليها ؟؟ هل هناك من اضافات عليها ؟؟ هل هناك شئ ما غير ضروري او غير مفهوم ؟؟

فلنتابع نقاشنا .........

[مــ الاحساس ـرهف]

بيبي ياسر رايك بمحلوا


بس انا كمان رايي


انو خلص نحدد لكل واحد من هلق و ما نستنى التاني و التالت


يعني خلص انا سيارات و الكترونيات


و كل مين ياخد اللي تحدد


بس في شغلة اني الالكترونيات


الهن مكان واحد و هو التقنية و البرامج فانا


بضل عالسيارات و انتو كل واحد يستلم مركزو ا


خخخخخخخخخخخخخخخ

[مجنون شهد الأول]

ياسر الغالي

انا برايي ما نخصص موضوع لكل شخص

بس يصير تنسيق

يعني اذا نزل احدنا موضوع عن سيارات

ما ينزل حدا تاني موضوع عن السيارت بنفس اليوم

وهكذا

شكرا ياسر واتمنى من الجميع المشاركة

[0ـُرجان]

بيبي ياسر رايك بمحلوا
بس انا كمان رايي
انو خلص نحدد لكل واحد من هلق و ما نستنى التاني و التالت
يعني خلص انا سيارات و الكترونيات
و كل مين ياخد اللي تحدد
بس في شغلة اني الالكترونيات
الهن مكان واحد و هو التقنية و البرامج فانا
بضل عالسيارات و انتو كل واحد يستلم مركزو ا
خخخخخخخخخخخخخخخ

شكرا احمد لردك

اول الشي انا الفكرة يلي قصدتها انو يكون في برنامج منتظم يقوم بتقسيم انواع المواضيع على الاعضاء بشكل متناسق
بس انا ما قصدت بكلامي احتكار كل عضو لنوعية معينة من المواضيع لاني بشوف اذا عملنا هيك رح يكون في شوية صعوبات على الاعضاء بايجاد المواضيع التي تتكاثر وتقل على النت بحسب نوعيتها يعني مشان نتجنب هدا الشي انا اقتراحي هو ان يكون مثلا برنامج لكل عضو بحد ذاته يعني رح وضح اكتر

احمد اليوم موضوع سيارات
احمد بكرة موضوغ البسة
احمد بعد بكرة موضوع الكترونيات
احمد بعد يومين موضوع رياضة وهكذا ........

يعني بحيث يكون الك بكل هدول موضوع واحد كل يوم على اقل تقدير

انا بشوف هي الطريقة افضل من تمسك العضو بنوعية معينة من المواضيع

وبالنسبة لمواضيع الالكترونيات القسم الموجود في المنتدى هو خاص بالبرامج والتقنيات على صعيد الكمبيوتر يعني ليس له علاقة ببند الالكترونيات يلي انا ذكرته انا قصدت من كلمة الكترونيات ( موبايلات -- مسجلات -- تلفزيونات -- اجهزة حديثة -- ماركات -- الخ---)

فارجو ان تكون وضحت وجهة نظري

ونتابع نقاشنا...

[0ـُرجان]

ياسر الغالي
انا برايي ما نخصص موضوع لكل شخص
بس يصير تنسيق
يعني اذا نزل احدنا موضوع عن سيارات
ما ينزل حدا تاني موضوع عن السيارت بنفس اليوم
وهكذا
شكرا ياسر واتمنى من الجميع المشاركة

شكرا لابداء وجهة نظرك عزيزي حسام
احترم رايك
واتمنى المزيد من مشاركات باقي الاعضاء للوصول الى قرار نهائي يرضي الجميع
:) :)

[رحيق الشهد]

يؤ يؤ يؤ يؤ يؤ

شو عم تعملووو

بدنا همتكم ونشاطكم في جميع

الاقسام لان لازم نبقى يد واحدة لاانجاح المنتدى وتميزه الدائم

مع التحية

[الشهداوي]

ياسر :

في كم شغلة عندي :


1 - انا ضد تماما انو واحد يمسك موضوع معين بشكل دائم

للأسباب الي ذكرتها و اكثر

2 - فكرة انو كل واحد يأخد بكل يوم موضوع مختلف هاي احسن شي

هي الي قلتها هلا

انو العضو ( س )

الأحد سيارات

الاثنين ملابس

و هكذا

3 - انا ما فهمت بالمرة شو الفرق بين موضوع الموضة و موضوع الالبسة ؟؟

4 - في غير تحديد كمية المواضيع و نوعيتها قصة اسلوب المواضيع

يعني مفروض يكون عنا لو مرة وحدة بالاسبوع على الاقل موضوع تفاعلي

او تكون هالمواضيع التفاعلية مثبتة تتحدث عن ما يهم الشباب



و مشكور مرة تانية فتح هالموضوع