اقتراح أتمنى توافقوني عليه

[souriamoon]

صباح الخير.الحقيقة أنا لاحظت في أحد المنتديات إنو الأعضاء مع بعض عم يحاولوا يكتبوا أو يقترحوا أغاني لشهد.طيب ليش ما بنساوي متلن ومنحاول نحني كمان إنو نكتب أغنية لشهد مشان شريطا الجديد يعني هالشغلة راح تكون سابقة ما حدا ساواها قبلنا وخصوصاً إنو معنا بالمنتدى كتير أعضاء عندن حس فني عالي متل الإخوان talat وأمير الذوق وربا وuserysname وأنا كمان مع إني مو كتير شاطرة بالكتابة بس بدي حاول ساهم معكن.واتمنا منكم توافقوني على هذا الاقتراح ونبلش من هلق نكتب.
وبالمناسبة عندي كلمة بدي قولا للأخ userysname اللي حاسة إنو زعلان مننا حسب ما فهمت مع إني مالي عرفانة شو السبب، يا ريت يكون قلبك كبيرونحني هون كلنا اخوة ومنحب بعضنا البعضوبتمنى من الاخت ربا تكون حلت المشكلة من طرفا.بحبكم كتير.باي وعم بستنى ردكم على الموضوع.

[eyes_senses_arts]

برافو عليكي قمر سوريا

وأنا بضم صوتي لصوتك بالنسبة للأخ userysname

أنا كمان حاسس أنو زعلان منا

لأ مو مننا

بالأخص مني

أنا بدعي ليرجع يشاركنا


وشكرا كتير عالاقتراح الحلو

[مؤيد الزعبي]

شكرا لك على الاقتراح

هو فعلا جميل اختي ولكي تحياتي

يلا خلينا نبدء من هلأ

بس ياريت اختي تكتب الاقتراحات مرة تانية بقسم الاقتراحات يعني في قسم خاص لهالاشياء

[souriamoon]

أنا آسفة ما كنت بعرف هالشي لأني جديدة بالمنتدى وشكرً إلك على التوضيح

[ღكــزبــك حــلـــوღ]

سينفذ اقتراحك في قسم الخواطر و الاشعار!

سيتم النقل الموضوع الى قسم الاقتراحات الشكاوي

[suzan]

حلو أقتراحك...
وثقي انه لقيت هنا ..سرعه تنفيذ كل ماهو صالح لشهد ولموقعها

[RUBA]

اقتراح حلو كتير
انا موافقة
وانا ماعندي مشكلة مع user
ولا بعرف هو ليش عم يكتب هالمواضيع

[ღكــزبــك حــلـــوღ]

تنفذ بقسم الاشعار و الخواطر!

[MayOoOshe]

الاقتراح صعب التحقيق

بالنسبة للأغاني انا بكتب اغاني من فترة طويلة

وعند ياغاني جاهزة للتلحين ومواضيعها حلوة

ومراعى فيها كل تقنيات كتابة الاغنية

وما ناقصني الا الفرصة للشهرة



بس ما طرحت الفكرة على شهد ولا جبتلها سيرة

لان بدايتها رح تكون مع شعراء وملحنين كبار

واجاها لشهد كتير عروض كبيرة

فمارح يكون لكلامنا نصيب

سدقوني الي ما جرب م بيعرف صعوبة توصيل اغنية لفنان

انا ما عم احكي على شهد عم احكي بشكل عام

ولو بدكن بي لحظة بحط اكتر من اغنية جاهزة

بس بتوقع ما منها فائدة

[ღكــزبــك حــلـــوღ]

ياريت تروحوا على قسم الاشعار و تشوفوا الموضوع المثبت بتفاصيله
!

[eyes_senses_arts]

يا عيني عليكي يا مي

طيب أنا صوتي كتير حلو

دبريلنا ملحن
وخليني أغني

هههههههه

[MayOoOshe]

آه يا محمود

ياريت قدرت اوصل لملحنين

بس انا بمدينتي بعيدة كتير عن اجواء الفن

لاقي ملحن وخبرني

هههههههههههههه

[userysname]

أولاً وقبل كل شيء أحب أشكرك يا عزيزتي (souriamoon) على مشاعرك النبيلة .

ثانياً أنا مالي زعلان من مشرفة قسم الألعاب ( وأتمنى عليكِ مرة ثانية ما تأولي الموضوع على غير ما ينبغي ) ، بل على العكس تماماً أنا لا أُكِنُّ لمشرفة قسم الألعاب إلا كل محبة وتقدير واحترام ، كل ما في الموضوع إني طلبت من مشرفة قسم الألعاب ( نظراً لتوفر وسيلة الاتصال بينها وبين شهد ) أن تسأل شهد عن رأيها في موضوع الإهداءات سواء بالموافقة والقبول أو بالنفي والرفض ، حتى أتمكن من استئناف وضع الإهداءات في المنتدى أو أتوقف عنها ، وأنا لا زلت في انتظار جوابها ( وعشان ما أستطرد بالموضوع أكثر من اللازم ، بتقدري تقرأي الردود التي كتبتها اليوم رداً على تعليقات أعضاء المنتدى حول الموضوع في قسم الإهداءات والخواطر إذا حبيتِ ) .

أما بالنسبة لاقتراحك ، وهو ما أريد أن أصل إليه من هذه المشاركة ، فأنا شخصياً أشجع الاقتراح ، لسبب بسيط ، وهو أنه سَيُوجِد جو من المشاركة بين كافة الأعضاء في المنتدى ، وهو الذي كنت أحاوله منذ فترة ولكن أُسيءَ فَهْمِي ، يعني أنت لو طلبت مني أنا فقط أن أكتب كلمات أغنية لما وافقت ، ولكن الذي شجعني وأعجبني بفكرتكِ هو الرغبة في القيام بعمل مشترك بين أعضاء المنتدى يكون هدية متواضعة وبسيطة من الأعضاء لشهد ، وبحب أتابع كلامي وأقول لك إنه ليس بالضرورة إنك تكوني عندك موهبة في الكتابة أو الشعر حتى تشاركينا ، اقتراحك الجميل لوحده يكفي ، إنتِ ببساطة ممكن تشاركينا لو حتى بكلمة واحدة ، أو بخاطرة ، أو بفكرة ، أو حتى بعبارات التشجيع والإطراء ، وأنا متأكد أن كل الأعضاء يقدرون لك هذا الشيء ، وأتمنى أيضاً أنهم يكونوا فهموا الموضوع ( على أنه موضوع نشاط مشترك وورشة عمل جماعية ) زي ما أنا فهمته .. وتقبلي تحياتي ..

[souriamoon]

شكراإلك اخي على ردك على موضوعي بس انا رايي من راي باقي الاعضاء صدقني شهد ما راح تزعل بالعكس بدا تنبسط كتير من الاهداءات وياريتك ترجع تشاركنا وخصوصي مشان موضوع الاغنية اللي اقترحتوا عليكم باي