سؤال للبنــــــــات..والأخر للشبــــــــاب << بكل صــراحــــــــه

[رويده]

هاااااااااااااااي....
اتمنى منكـــم الاجابه بكــل صــراحــه,,,,

سؤالى للــــــــبنات ؟

هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا ؟؟؟



::::سؤال الشبـــــاب::::

من تتمنى الزواج منها --- صاحبة القلب الحنون والحب الجارف ام صاحبة الوجه الجميل الفاتن ؟؟؟




سؤالى للجميع ؟؟؟؟؟؟؟؟؟؟؟؟

هل تفضلون الزواج بالطريقه التقليديه أم عن قصه حب ؟؟؟؟؟

[RUBA]

هلا رويده

اول شي بالنسبة للسؤال الأول

ماحقلك اني بختار صاحب الحب والحنان بس لحتى ماكون انسانة ماديه

مين منا بقدر يعيش بلا مصاري


مثلا إذا هي قبلت وضحت خلينا نقول بحبها وقررت تعيش مع شخص وضعه المادي محدود

اولادها شو ذنبهن وباي حق قررت هي مصيرن انو يعيشوا بوضع مادي اقل من عادي

يشوفوا رفقاتن كل يوم , كل واحد شاري لعبه مثلا , وهو ماعندو , ليش لانو الوالد مامعو هادا طفل مابيقدر هالامور .

تاني شي , غذا كانت هي الانسانه مثلا بيوم من الأيام ماشيه بالسوق وشافت بلوز عجبها او بنطلون واجى على بالها تشتري طبعا الوضع المادي مابسمح هادا ماعم نحكي لابدهب ولا بألماس
شو يعني بيعطيها شويت حب وحنان بتقوم بتنسى ومابيعود جايه على بالها

هاد مو حكي


طبعا الإنسان مابيصير كمان يكون مادي لدرجة انو يضحي بكل شي بس مشان المصاري

بس يفضل يعمل توازن بين المادة والحب

مرة قريت انو لحتى تتحقق السعادة في إلها 3 عوامل

1- الجانب المادي ( يعني يكون الانسان مرتاح ماديا )

2- الجانب الإجتماعي ( يعني يكون في اشخاص بيحبهن وبيحبوه )

3_ الجانب الروحي ( يعني علاقته من الله )

شكرا رويده عالطرح

انا برأي هالموضوع مهم كتير وخاصة للبنات يلي لسا عمرن صغير

[0ـُرجان]

اهلين عزيزتي رويدة

والله شوفي لقلك هالكلمتين
انا بالنسبة الي لا مجال للجدال نهائيا بهذه الامور فهي مسلمات طبيعية لا عودة عنها

اصبح كل شئ بهذه الحياة تجارة !
كلمة صباح الخير اصبح من ورائها اهداف تجارية ومصالح . وين ما عمنشوفك ؟ كيفك ؟ اشتقنالك .. كلو تجارة بتجارة !! فتصوري بعد كل هذه المصائب عندما تقرر الخروج من هذا العالم الخبيث والاستقرار بالزواج تتفاجئ بأن زوجتك في الحقيقة هي تحبك ولكنها كانت تحب شخصا آخر اكثر منك ولكنه كان متواضع الحال ليس مثلك وبثرائك !! فلذلك ما كان من هذه المرأة الا ان حكّمت عقلها واختارتك لانها لا تستطيع ان تتخيل رؤية بلوزة جميلة مناسبة لطفلها دون ان تشتريها !!
أفيالها من تضحية ! لقد ضحت تلك المرأة بحبها من اجل العيش الهنئ ومستقبل اطفالها !!

بصراحة عندما افكر بهذه الخطوة وهذا القرار الجائر التي اقدمت عليها تلك الفتاة لا أقول الا بئس الاختيار وعجبا !!
نعم انه جائر بنظري لأن الانسان عندما يقوم باتخاذ مثل هذا القرار يتجرد من العاطفة والمشاعر الحسية حتى يتحول الى آلة الكترونية متطورة تفكر في المستقبل
واذا خرج لي احدهم وقال لي وماذا ستقدم لنا تلك المشاعر والعواطف ؟ أستطعمنا خبزا ؟؟ والله حينها لا يسعني سوى أن أقول الا أنو روح شوف ابي وابوك وامي وامك وستي وستك كيف عاشو وكيف ربوا اجيال لحتى جابونا لهالحياة وتعبوا فينا وما كانوا من المليونرية وكي لا نفتري على احدا دعوني أقول كانوا من اصحاب الدخل الطبيعي والطبقة المتوسطة
يعني باختصار الزواج هو الانعطاف الاكبر في حياة الفتاة ونواة قرارتها يكون قرار الزواج فأذا بدأته بهذا الاسلوب المادي والتجاري كيف ستكون علاقتها مع شريك حياتها ؟ هل ستكون رهينة صفقة خاسرة مثلا تقلب الامور رأسا على عقب ؟ أم انها ستجبر نفسها على محبة شخص ادركت لاحقا بأنها قد أحبت دراهمه بدلا عنه ؟؟

---------

طبعا بالنسبة لسؤالك عن اسلوب الزواج تقليدي او عن حب .. بعتقد انو جوابي صار واضح من خلال ردي السابق .. أكيد بختار الزواج عن حب لأني بدي عيش مع انسانة بدها ترافقني طول حياتي .. لاهي الأميرة ديانا ولا هي بنت قارون انما انسانة طبيعية جميلة حتما ! والرابط والوسيلة الوحيدة يلي جمعتنا هي الحب لا التجارة ولا صبحيات النسوان ولا شئ آخر ......

شكرا رويدة الك مرة تانية وآآآآآسف عالاطالة .

[ملوح العرب]

ورجعنا للخطابه أم سليّم >>>>>> عفواً الأميرة رويده


شوفي أختي خليني أكون صريح معاكي .

أنا عن نفسي أشوف أن البنت حلوه إذا أعتنت بنفسها
وأظهرت الحب والطيبة وكل شئ حلو من داخلها .


وأما عن سؤالك


::::سؤال الشبـــــاب::::

من تتمنى الزواج منها --- صاحبة القلب الحنون والحب الجارف ام صاحبة الوجه الجميل الفاتن ؟؟؟



الأثنين بستثناء ( الجارف – والفاتن )

ليه ؟

أولاً – دائماً عقل الجارف في القلب , وهذى مصيبة مستقبليه .

ثانياً – الفاتنة يبيلها بيت كله مرايا عشان تطاع نفسها .


أما سؤالك الثاني

أكيد الزواج العاطفي لأن الزواج مش خذ و هاد .

وسامحوني على الإطااااااااااااله.

وما ننحرم من مواضيعك الحلوا يا رويده

تحياتي
مــلّــوح

[رويده]

مشكورين ع الرد الجميل الله لايحرمنا منكم .............................

انا استفدت كتير من كلامكم لي ..........................

تحياتى "رويده"

[shadi]

من تتمنى الزواج منها --- صاحبة القلب الحنون والحب الجارف ام صاحبة الوجه الجميل الفاتن

بالطبع صاحبة القلب الحنون والحب الجارف ..
لان الجمال " جمال الروح " وبرايي ان الحب والحنان هو كافي ليخلق
الجمال بالبنت ..

هل تفضلون الزواج بالطريقه التقليديه أم عن قصه حب ؟؟؟؟؟
آآآآه من الزواج التقليدي اصبحنا بالقرن الواحد والعشرين وما زلنا نتكلم عنه
بالطبع وبكل تأكيد الزواج عن قصة حب ..

الف شكر لك على الموضوع الرائع
مع التحية

[ملك سوريا الأسد]

بالنسبة إلي رويده أنا بتزوج على طريقة إبن عم كنة سلفة بنت خالة عم أبوي ، لا تسألي كيف



طبعا عن قصة حب

أما السؤال الأول فلم ولن أبحث عن جواب له

[乂The_TwiSteR乂]

تسلمي ع الموضوع الحلــو ..


من تتمنى الزواج منها --- صاحبة القلب الحنون والحب الجارف ام صاحبة الوجه الجميل الفاتن ؟؟؟

والله مشكلة .. انا لو قدرتي تجمعي الـ2 بيكون أحسـن ..

يعني يكون قلبها حنون .. وحلوة يعني نتصبح بشي حلو يوه

شو ذنبي اتصبح بعفريتة جنبي انا ههههههه ..

فبختار القلب الحنوون .. بس بشرط يكون جمالها مقبول ..

====

هل تفضلون الزواج بالطريقه التقليديه أم عن قصه حب ؟؟؟؟؟


أكيــد عن قصـة حـب .. بلا تقليدية بلاهم ..

==

يعطيكي العاااافيــة

[BUTSHER]

بحب أتزوج صاحبة القلب الحنون

[صيحه الاحرار]

انا صريح لو شوفت وحده حنونه وقلبها ابيض ومو حلوه ما بتجوزها
لو شفت وحده مش حنونه وحلوه بتحصر
انا بدي الصفتين مع بعض

[mouuny]

لحتى ما اطول عليك بالرد اختي رويدة
في مثل مغربي او حكمة هي مو مثل بتقول الحكمة
المزوجين فالسما

يعني قبل ما نتزوج انا وفلان تزوجنا في السماء مدري اي وحدة وبعدين اتزوجنا على الارض بشكل واقعي
وهيدا معناتو

اني حتى لو اتعرف على الرجل الثري صاحب المالي او احب الرجل الفقير صاحب الحب فما رح اتزوج اللي يبغاه الله
كم مرة بنقول لالالا ابدا استحالة اتزوج هذا انشالا اغير دمي
وبيكون العكس
الانسان يا اختي مسير وليس مخير

وهاذي حكمته في خلقه
وكل واحد اتزوج بوحدة او العكس ووالا ووفقهم الله وانسجموا حتى انشالا الدقيقة الاولى من بداية علاقتهم انشالا تصير حياتهم كوابيس المهم انهم توافقوا بالاول واجتمعوا على حب او كره او مصلحه او الله عالم
تحياتي وهيدا رايي مجملا
انا احب اتزوج اللي شاء رب العالمين
في امان الله

[&wissam&]

بالنسبة لسؤال الشباب فجوابي هوي

هلء اذا لقيت بنت بالصفتين بكون كتير منيح
اما اذا ما لقيت فاكيد بختار البنت صاحبة القلب الحنون والحب الجارف

اما عن سؤال ماذا افضل الزواج التقليدي ام الزواج عن حب
فاكيد بفضل الزواج عن حب

مشكوووووووورة رويده عالطرح الجميل والمميز

[titiana]

انا بصراحه ما بدي اتزوج
بس بقدر احكيلك اني رح احب الحنون مش الغني لانو المصاري بتروح والحب بضل

[neeboo]

والله يالغااااليه انا ردي قريب من رد ربااا اختنا

انو حلو يكون فيه توازن بين الماده والحب


أما بالنسبه للسؤال الثاني

هل تفضلون الزواج بالطريقه التقليديه أم عن قصه حب ؟؟؟؟؟


احسن عن طريق حب

لانو الشخص ما بتكوني حبيتيه الا وانتي عارفتيه وعارفه انو هالشخص مناسبك ..


وبس


الف شكر لك يالغاليه

[رويده]

اشكركم على الرد