عيد الأم الحزين

[هنّوءة]

دائما يمر عيد الام كذكرى غالية على قلوبنا نحتفل بها بسعادة .. كيفف لا وهواليوم الوحيد الذي نكرم فيه امهاتنا جهرا لعطاءاتهم اللامحدودة معنا
ولكن .... هل فكرنا يوما بان عيد الأم يحمل معه ألما كبيرا لكثير من الناس ؟؟

فأولئك الذين فقدو أمهاتهم .. يستعيدون اليوم ذكراها بالم كبير ..
لن يبذلو جهدا كبيرا لانتقاء الهدايا لهنّ .. فهداياهم موحّدة ... رياحين و ورود

للأبناء .. الذين يرون امهم مريضة حقا .. ويدركون ان هديتهم هذه العام قد تكون الاخيرة ..


أيضا .. السيدات اللواتي لم يمنّ عليهم الله باطفال لهنّ ... يرون هذا العيد مأساة .. تذكيرا حقيقيا بآلامهم
فهم لن يحظو يوما بمن يهنئهم بهذا العيد


حتى امهاتنا ... معظمهن فقد والديه ... اليس هذا العيد للحظة محزنا لهم حين يستذكرون اهلهم و امهاتهم في هذا العيد

كثيرون من يعتبرون هذا العيد مؤلما .. لأولئك فقط ...ماذا يمكن ان نقول لهم في هذا العيد ؟؟؟

[ღكــزبــك حــلـــوღ]

هذا اليوم كان يجب ان يسمى بـذكرى الام و ليس عيد الام

لأن ليس جميع الناس يحتفلون به بل يتذكرون امهاتهم فيه

و أقول لكل شخص فقدّ امه,,لا تبكي بل افرح لأن الله جعل

لكم اما حنونة تشتاق لها بعد غيابها

الله يطوّل عمر امهاتنا خصوصا الام الفلسطينية

شكرا

[&wissam&]

كلامك صحيح 100 % هناء
وانا اعرف اناس امهاتهم في ذمة الله
وايضا زوجات ليس لديهم اولاد

فلذلك بايد راي لجين بان يسموا ذكرى الام وليس بعيد الام

مشكوووورة هناء عالموضوع الجميل
تقبلي مروري

[هنّوءة]

لوليتا شكرا لردك المميز و الحلو

وفعلا رسالة كتير حلوة و ذكرى ام سعيدة للجميع

بي باي

[رحيق الشهد]

لا اعلم ما اكتب هناا

بعد قراءة طرحك غاليتي هنوءة

الحزن سيطر علي ولم استطيع الرد اعذريني قلبي

فقط اقول

اللهم ارحم امهاتنا واشفي امهاتنا المرضى في جميع العالم العربي

قلبي الغالي اعذرني لم استطع الرد بسبب الحزن الذي سيطر قلبي

شكرا قلبي الغالي عاى طرح الغالي والحزين

[هنّوءة]

اخي وسام ... اللي كتبتو فعلا مو شي جبتو من الخيال ..

هيدا واقع شفتو اليوم لما شفت كتيرين طالعين عالمدافن حاملين ورد

لما شفت جارتنا اللي ما اجاها ولد بعد ثماني سنين زواج طالعة عالبلكون و عيونها مليانة دموع

لما ...... و لما ولما ...
فكرت قديش نحنا انانيين لحتا نفرح و ننساهون
وحبيت اسمع رايكون ..
شكرا وسام لمرورك اللطيف وردك و انا معك و مع لجين مية بالمية

[هنّوءة]

قلبي الغالي اعذرني لم استطع الرد بسبب الحزن الذي سيطر قلبي

شكرا قلبي الغالي عاى طرح الغالي والحزين

غاليتي صبا ...

بعتذر لاني سببتلك حزن او الم ...

بس هيدا الواقع .. و عالرغم من الحزن اللي ممكن نحس فيه .. لازم نتعايش مع هالواقع هيدا و نتعامل معو ..

لهيك ... انا ناطرة منك كلمة لهالناس اللي بيكونو بهاليوم حزينين جدا ..

خلينا نقاسمون لحظة حزن .. و نكون معون ولو لدقيقة

وشكرا غاليتي و عنجد بعتذر من القلب منك

بي باي

[عصي الدمع]

أنا مع الأعضاء في كل ما ذكروه

ولكن عندي اختلاف معكم في التسمية الجديدة والتي اقترحتها لجين

( ذكرى الأم )

ليش ؟

فلو سميناه بهذا الاسم ، لظلمنا الأمهات اللاتي ما زلن بيننا أحياء

فهم ليسوا ذكرى قد مرت في الزمان الغابر،

وانقضى إحسانهم إلينا

لأن الذكرى تطلق على الشيء الراحل والذاهب، والأمر ليس كذلك

فلعل اسما آخر يناسب هذا اليوم ، ولست أعلم ما هو ؟

والله أعلم بالصواب

وبالنسبة للحزن فهو فعلا واقع مرّ يصاحب الإنسان في أغلب حياته

، ولكن التسمية بحسب الغالب والأكثر في رأيي.


وشكرا هنوءة للطرح الجميل

[乂The_TwiSteR乂]

عنـجد شي بيحـرق القـلـب والله .. :(

والله يعين اللي فاقد امه بهاليوم .. او الام اللي فاقدة اولادها :(

:( والله شي بيزعل ..

والله مابعرف شو بدي قول للي بعيش بهالحاالة بس الله يعينـه ويقويـه
.
.

شكرا ع الموضوع هـنوو ..

[هنّوءة]

ولكن عندي اختلاف معكم في التسمية الجديدة والتي اقترحتها لجين

( ذكرى الأم )

ليش ؟

فلو سميناه بهذا الاسم ، لظلمنا الأمهات اللاتي ما زلن بيننا أحياء

فهم ليسوا ذكرى قد مرت في الزمان الغابر،

وانقضى إحسانهم إلينا

اخي عصي الدمع

بهي طبعا معك حق ... بس كمان .. نحنا عنا ذكريات ولسا ما خلصت ...
ذكرياتنا ... وانو نكون بنملك ذكريات .. هيدا الشي ما بيعني انو حياتنا خلصت

ذكرى الام .. هو اليوم الي بنتذكر فيه امنا كيف تعبت و ضحت و ربت ...
هو اليوم اللي بنذكر فيه عطاءاتها النا اللي من اول ما ولدنا عم تقدملنا ياها لهلا ...
ذكرى بعتقد تعبير اجمل لهاليوم ... ليكون يوم لتذكر و استذكار كل لحظة قضتها امهاتنا بالعطاء اللامتناهي و التضحيات الي قدمتها النا

طبعا هيدا رايي و شكرا على مرورك الرائع

وانشاللا كل امهات العرب و العالم بالف الف خير

[هنّوءة]

حسن ... شكرا على مرورك

فعلا شي بيلبك .. و انا صدقا ما عرفت شو ممكن اقول للناس المتالمين بهاليوم

خاصة انو الفرح الطاغي بهاليوم بيخلي حزنون مضاعف لان بيحسو انو ما حدا حاسس بالمون .. ما حدا بيتعاطف معون .. الكل نسووون وفرحانين بالشي اللي ما عندون ياة

ببساطة تخيلو بنت فاقدة امها عم تسمع على طول اليوم .. اغاني عيد الام

اي و حياة الله قهر مو طبيعي ...

بي باي

[0ـُرجان]

أكيد ما في ادنى شك انو يوم الأم هو عيد للبعض و نكسة لبعض آخر

يعني بالنهاية كلنا بشر من احاسيس وعواطف ومهما كان الانسان قوي الشخصية وكتومي لا بد له ان يمضي هذا اليوم كما لو ان الساعات فيه تسير بسرعة الثواني فهو يوم طويل طوييييييل ومشاعر الأسى والذكريات الجميلة التي رحلت وحرمته متعة الشعور بقيمة هذا اليوم لا بد لها ان تطغى

أما ماذا نقول لهؤلاء في يوم الأم .. فأنا من وجهة نظري ان نشعرهم قدر الامكان حتى لو كان تاثيرنا بسيط فيهم على أن هذا اليوم هو مجرد يوم عادي من ايام السنة ولن ينال الحزن منا طالما نعلم بأنه يقف بالقرب منا ويترصد بنا لكي يصطادنا عند اول ذكرى وردية ..

شكرا هناء على هالفرصة هي والله يخليكِ لامك ويخليها الك وجميع الاعضاء كذلك ايضا .

[نغم الربيع]

بحب الك انو اتوقعت انو شوف بهاليوم موضوع تهنئة بمناسبة عيد الام بس بشكرك لانو طرحتي هالفكرة اللي هي عنجد بتستحق الطرح اكتر من موضوع التهنئة ...
الحياة بدون ام ولا شي واللي بيفقد امو بكون فقد الطعمة الحلوة بالحياة ..
وما بظن انو في كلمة ممكن نئولها للي فقد أمو ... او للي ما عندها ولاد ..
بس فينا ندعي انو الله يخليلنا امهاتنا فوق راسنا ولا يحرمنا منهون ....
وربي يصبر كل محروم من أمو ...

وميرسي كتييييييييير هنوئتي وعلى فكرة بتسلم عليكي ماما

[هنّوءة]

اخي ياسر

شكرا على مرورك العطر


أما ماذا نقول لهؤلاء في يوم الأم .. فأنا من وجهة نظري ان نشعرهم قدر الامكان حتى لو كان تاثيرنا بسيط فيهم على أن هذا اليوم هو مجرد يوم عادي من ايام السنة ولن ينال الحزن منا طالما نعلم بأنه يقف بالقرب منا ويترصد بنا لكي يصطادنا عند اول ذكرى وردية ..

كلام من ذهب و الله .. و عنجد الله يصبر قلوب الفاقدين و يقويون يا رب

شكرا مرة تانية
بي باي

[هنّوءة]

غاليتي نغم

الام شو ما حكيت عنها قليل و فقدها بظن هو النهاية المطلقة للفرح بالحياة

بس بالنهاية الله بيمنح الانسان نعمة النسيان و الاصدقاء ممكن يعزو و كلماتون ممكن بلحظة تاثر

لهيك انا طلبت منكون تحاولو جهدكن تكتبو ولو عبارة مواساة لمن يعيش حزن بهاليوم


وبكل الاحوال بضم صوتي لصوتك و انشاللا يا رب اله بيحفظ كل الامهات لاولادون و بيصبر الكل كل الفاقدين بهاليوم للفرح

وسلميلي على ماميتك كتير.. عنجد بتجنن و باين انها كتير حبابة و لطيفة وحنونة .. انشاللا يارب بيخليلكون ياها و بيطول بعمرها وبيزيد بصحتها وما يحرمكون منها ابدا

بي بااااي

[MayOoOshe]

هنوءة

موضوع رائع وحساس جداً

وفعلاً شي مماثل لحالة عشناها السنة مع قريبتي

فقدت والدتها من اسبوع والجرح لسا جديد


فحاولنا ما نشعرها انو فيه عيد بهاليوم

حتى بالبيت ما حدا فينا قدر ييفتح التلفزيون او يسمع اغنية عن الام

الله يحفظ امهات الجميع


برأيي الام الي ما عندها اولاد ممكن نهديها ممكن نحسسها انها بمثابة ام

لكن الابناء الي فقدوا امهم صعب شي يعطيهم نفس الشعور


يمكن الاسم الانسب لهاليوم

تكريم الام

لان التكريم يكون للاحياء والاموات

شكرا هنوءة على موضوعك الخطير

[هنّوءة]

ميوشة

شكرا على ردك الحلو و فعلا هاليوم عم بيكون مؤلم كتير للناس اللي فقدو امهاتون عن جديد و عنجد الله يعينون

وبالنسبة للي ما عندها اولاد فعلا هيدا هو الحل الانسب .. بس كمان ولو فرحت رح يضل في عندا الم من هالموضوع

الله يعينون عنجد على هاليوم

اما الاسم اللي اخترتية .. يوم تكريم الام .. بظن حلو و زابط اكتر من ذكرى الام .. لان التكريم يكون للاحياء والاموات

شكرا ميوشتي على مرورك الرائع

وانشاللا يا رب كل عيد و ماميتك بالف الف خير ..
بي باااي

[neeboo]

والله موضوووعك كششلي بدني هنووءه :21:

عن جد صدقتي بموضوعك

وشي بيحززن كثيير

الله يعيينهم يا رب والله يجمعهم بأمهاتهم بالجنه يا رب سواء اللي فقد امو بفلسطين او العراق او لبنان .. او بأي مكان


ما بعرف شو بدي احكي


بس انا مع ميووش انو احلى لو يتسمى تكريم للأم

الف شكر الك هنوووءه

ربي يعطيك العافيه

[هنّوءة]

نيبووو مافيي اقول اكتر من اللي قلتية

لا كشش الله لك بدنا بشرّ

وشكرا على مرورك و كلامك الحلو

بي باااي

[mouuny]

ممكن نقل لهم في هذا العيد انو هيك الدني صايرة يوم ليك يوم عليك وانو ابدا مابيضيع حق حدا , لو ماتعايدت هي بكرة بيجي يوم وتتعايد بنتها بس عنجد انتي حقانية بطرحك للاشكالية انو كيف احنا بس نحس بطعم العيد الجميل ومانحس بمآسي الامهات الحزينات مثل ما قلت بس الجواب بسيط كثير
انو هيدي هي مشيئة الله بخلقه شو بدنا نساوي

وعنجد مو لازم نحتفل بس بالام السعيدة وانما نعمل جهدنا لحتى نشارك معانا امهات المآسي والفواجع ياللي بيتمنوا هن كمان يحسوا مثلك يا اجمل ام بالدنية لانو بكل ناحية بهالبسيطة في ام مثلك بس ما الها عيد ...
تحياتي لجمالية مواضيعك وطرحك وتعاطفك الراقي دوما

[هنّوءة]

شكرا موني لمرورك الرائع و كلامك الدقيق و الحلو عن هالموضوع

فعلا متل ما قلتي هي قبل كل شيء مشيئة الله و اختبار للصبر

وانشاللا بيكونو الامهات و الابناء الفاقدين صبورين و مؤمنين بمشيئة الله

شكرا موني على مشاركتك المميزة بالنقاش

بي باي ..

[Manirva]

دائما يمر عيد الام كذكرى غالية على قلوبنا نحتفل بها بسعادة .. كيفف لا وهواليوم الوحيد الذي نكرم فيه امهاتنا جهرا لعطاءاتهم اللامحدودة معنا
ولكن .... هل فكرنا يوما بان عيد الأم يحمل معه ألما كبيرا لكثير من الناس ؟؟

فأولئك الذين فقدو أمهاتهم .. يستعيدون اليوم ذكراها بالم كبير ..
لن يبذلو جهدا كبيرا لانتقاء الهدايا لهنّ .. فهداياهم موحّدة ... رياحين و ورود

للأبناء .. الذين يرون امهم مريضة حقا .. ويدركون ان هديتهم هذه العام قد تكون الاخيرة ..


أيضا .. السيدات اللواتي لم يمنّ عليهم الله باطفال لهنّ ... يرون هذا العيد مأساة .. تذكيرا حقيقيا بآلامهم
فهم لن يحظو يوما بمن يهنئهم بهذا العيد


حتى امهاتنا ... معظمهن فقد والديه ... اليس هذا العيد للحظة محزنا لهم حين يستذكرون اهلهم و امهاتهم في هذا العيد

كثيرون من يعتبرون هذا العيد مؤلما .. لأولئك فقط ...ماذا يمكن ان نقول لهم في هذا العيد ؟؟؟
هنّوءة
والله و أول مرة قرأت لك رد لا أذكر أين دخلت قلبي دون إذن { هو أنا حبيت الكل والله } بس مابعرف ليش حسيتك حنونه , و أنا ماكنت شفت هذا الموضوع لحتى قلتيلي عنه رح سميكي أسم : الورده الملائكيه .
براءه إحساس حنان , قولي لأمك أني أهنيها .
وطبعآ بقية اامشاركين كانوا على درجة عاليه جدآ من الإحساس و الحنان و الذوق لكنها كانت سباقة .
الله يحميكم جميع

[هنّوءة]

هايات ماما ..

ردك انتي تحديدا بيعنيلي كتير لانو انتي من اللي عانو بهاليوم
انتي عشتي الموقف بتفاضيلو و كنتي الام اللي ما قدرت تنسى المها لفقدها والدتا رغم انك كنتي بهاليوم الام اللي عم تتلقى التهاني و الحب من اولادا و زوجا


شكرا كتير على كلامك عني .. انا كنت على شوية رح افقد والدتي .. والله لطف فيي و هالشي اثر فيي و خلاني عيش مشاعر يمكن قليلين احسوها و عاشوها
وخلاني افكر بالزعل قبل الفرح .. و احس بمشاعر الكل .. قبل ما افكر بمشاعري

شكرا كتير الك مرة تانية .. و الحمد لله .. شهادتك فيي بتعنيلي كتير و بتفرحني كتير .. تعرفي عليكي مكسب كبير الي و بيشرفني جدا

بي باااي