مبادرة السلام العربية مع اسرائيل .. هل انت معها ؟؟

[هنّوءة]

سلام للكل

من فترة عقدت قمة عربية بالمملكة العربية السعودية .. و التقى فيها كل القادة العرب .. طبعا هيدا لوحدو كان انجاز لان غالبا كانت الخلافات بينن تطغى على الاهداف المشتركة العربية و تخلي بعضهم يرفض التواجد مع بعض بنفس المكان

طبعا نحنا هون بالمنتدى بنمثل شريحة من الوطن العربي .. حبيت نتناقش و نسال اسئلة ممكن خطرت على بال الكل

هل قمة الرياض حملت تغيير او تطور عن القمم اللي سبقتها ؟؟؟


نحنا كعرب شو اكتر شي بنطلبو و بنتمناة من تجمع الجامعة العربية

بهالقمة العربية طرح العرب مبادرة سلام ... و السؤال .. هل هالمبادرة مرضية بالنسبة النا ؟؟

هل نحنا مؤمنين بانو ممكن نساوي سلام مع اسرائيل

هل اسرائيل ممكن تكون دولةمسالمة و تنسجم و تتماهى مع الدول اللي حولا .. ويكون بيننا علاقات طبيعية ؟؟؟

والسؤال الاهم .. ليش نحنا كعرب مضطرين لتقديم التنازلات ... وهل بنملك وسيلة للضغط على اسرائيل لحتا تلبي مطالبنا ؟؟؟

قمة دمشق رح تصير السنة الجاية .. يا ترى ممكن تحمل وصفة سحرية للعرب ؟؟ و حل يضمن كرامة العرب.. بشكل مفاجئ يعني ..


واللي بيحب يسال كمان أي سؤال ويوسع النقاش اوككي

بي بااااي

[مؤمن زكارنه]

اول شي صباح الخير هنوءة ...

طرحك لموضوع نتائج القمة العربية ( ووضعه ضمن دائرة النقاش ) جميل جدا ... لكن لا أعتقد أن هنالك حرية ستكفل بوضوح كل الآراء ...
عموما فلنستمتع بذاك القليل من الحرية ...
.....
قد لا أستغرب من نفسي عندما أقول أني لم أتابع مجريات هذه القمة بتاتا .. لأنها ستكون نسخاً منسوخاً ممسوخاً عن سابقاتها ..
فكلنا يعلم ما يقوله أحد أولئك القادة .. من دون أن يفصح عنه .. فمثلا بات من المُسلم به أن بائع الإبل .. ( بل مستشاريه ) يسعون لأخذ زمام الأمور وتولي إيجاد الحلول لكافة القضايا العربية بما يوافق مصالحهم بتلك الدول ( بالأحرى ما يوافق مصالح المستعمر الأمريكي ومن بعده فلذة كبده الصهيوني ) ... ومثلا أيضا ناتف ريش الحمام .. لا يبدو أن سنعتاد على غير ما اعتدناه منه كل مره .. من تهاويل الجنون والتمرغ بوحل الغباء السياسي ..
ومن دون أمثلة كثيرة .. الخطاب السياسي لم ولن يتغير أبدا .. إنما باتت حقيبة لغة الضاد تحتمل المزيد من الأحرف لتجتمع تحت إرادتهم ضمن كلمات قد تخدع السمع لا البصيرة ..
...
ورجوعا للموضوع الأساس .. المبادرة العربية .. ليست سوى انبطاح جديد في الطريق إلى تل أبيب .. وجميعنا يعرف ما حدث لأنور السادات عندما عقد صلحاً مع إسرائيل .. وما حدث لمصر ، من طرد من الجامعة العربية ومقاطعتها نهائيا بتحمة الخيانة ونقل مقر الجامعه العربيه الى تونس ..
وفي هذه الأيام .. بالأحرى منذ قمة بيروت .. تم طرح المبادرة العربية .. او بمسمى آخر مبادرة الخيانة الجماعية المستترة تحت ظل المبادئ الشريفة الشرعية ..
...
اما عن إمكانية صنع السلام مع الصهاينة .. في إعتقادي .. أني أنا لا أرغب به أبدا .. فكيف أعفو عن قاتل أمي و أبي وأخي وأختي وكل أبناء أرضي ، كيف أعفو عمن جعل الليل سرمداً والنهار بات في ظله أحمر نتن ..
ومن جهة أخرى .. وبمعنى كيميائي .. تم إدخال الصهاينة ولعدة مرات ضمن حقل الاختبارات .. وضمن مختبرات شديدة الدقة ... لكنها تمت تعطينا نتيجة سلبية .. يفيض منها كل موت وكل موت ..
...
برغم الإطالة .. أعتذر عن الإطالة ... لكن ختاما .. ما يمكن أن أرجوه من قمة عربية .. فقط ( إحتمالية ضئيلة النجاح أحتفظ بها لنفسي ) ...





تحياتي ...

[هنّوءة]

شكرا مؤمن على ردك

ولي عودة لاستكمال النقاش معك

بي باي

[ملوح العرب]

السلام عليكم

شكراً هنوءة لطرحك موضوع القمة العربية

حيكون ليا عودة بأذن لله



بس أتمنى من الأخ / مؤمن زكارنه .

أن يوضح من هوا بائع الأبل ...


فكلنا يعلم ما يقوله أحد أولئك القادة .. من دون أن يفصح عنه .. فمثلا بات من المُسلم به أن بائع الإبل .. ( بل مستشاريه ) يسعون لأخذ زمام الأمور وتولي إيجاد الحلول لكافة القضايا العربية بما يوافق مصالحهم بتلك الدول ( بالأحرى ما يوافق مصالح المستعمر الأمريكي ومن بعده فلذة كبده الصهيوني )[/size][/color]

[هنّوءة]

سلام للكل

قبل كل شي .. شكرا مؤمن على ردك ولو اني بخالفك الراي بحجم مساحة الحرية الموجودة .. بشكل عام و هون بالمنتدى كمان كونو شريحة من المجتمع فية مساحة من الحرية

طبعا انا بقدر مشاعرك كونك فلسطييني مهجّر ... كونك مشتاق لبلدك .. الي من زمان كتير ناطرين الفلسطينيين اخوانون العرب ممثلين بقادتهم لحتا يدعموهم و يرجعوها
بس كمان ما بدنا نحمل الدول العربية و القادة العرب مسؤولية و نلومون بهالقسوة اذا ما رجعو الارض ...

طبعا فلسطين لكل العرب .. وفلسطين قلب الوطن العربي .. بس كمان .. في واجب عالفلسطينيين .. و حتى اذا اتطلعنا بقلب فلسطين بنشوفها مقسوومة لجبهتين .. كل وحدة الها رايها و سياستها .. فلا تعتب عالوطن العربي و القادة العرب

اما بالنسبة لراعي الابل و ما بعرف شو اللقب التاني .. اخي ملوووح .. بتوقع بحكم معرفتي الشخصية بمؤمن انو هي مجرد استعارات مكنية ما عنا فيها شخص محدد ...

وبتمنى ما ينأخد الموضوع بشكل متوتر او انفعالي لان اللي اجتمعو هنن مو بس قادتنا هنن اهلنا و مننا و فينا انتخبناهم و اخترناهم ليمثلونا .. ورضينا فيهم .. و حملناهم امانة غالية .. همومنا و حقوقنا و حقنا نغضب اذا شفناهم عم يتهاونو بشي هو حقنا مية بالمية و يضعفو و هنن اقوى بكتير ... من المواقف اللي بيعلنوها ..

ما بننسى انو نحنا مو سياسيين نحنا افراد .. لهيك بتتنوع ردات الفعل .. ولهيك بنتناقش هلا مشان نستفيد مو مشان نخلق توتر او اي زعل


شكرا مؤمن و ملوووح

وناطرة رايك اخي ملووح بصراحة لان

بي باااي

[ملوح العرب]

السلام عليكم

شكراً هنوءة مره ثانية

أنا كنت من المتابعين للقمة العربية الأخيرة بالرياض .

ولمست كمشاهد قبل أن أكون مواطن عربي التفائل الا مسبوق صراحةً .

واللي لفت نظري تكاتف القادة العرب ورائيهم وقراراتهم الموحدة .

وهذا الشئ نادر الحصول .

وأهم شئ هوا كسر مقولة ( أتفق العرب الا يتفقوا ).


وبعدين حنا يالشعب العربي قبل ما نطلب من القادة أشياء فوق أستطاعتهم
ليه حنا ما نجلس بيننا البين ونحل مسألتنا الداخلية والقتل فيما البين ..

ولو نرجع للتاريخ نلقى أن توحدنا والتوكل على الله هما سبب أنتصارنا على أي عدوان .

وأن تشتتنا والبعد عن الله هما سبب نكستنا .




وأنا أئمن بأن القوى ليست الحل الأخير

لازم يتكاتف شعب وطوائف الدولة الواحدة أولاً
ويأتي بعدها تكاتف الشعب وطوائف الدول العربية لنكون يد وحدة أمام أي عدوان .


ولكن أسلوب التجريح والسخرية لا تجدي نفعاً




وأنا أفتخر وليا الفخر أن اللي يحكمني بدوي أبن بدوي .

وشكرا أختي هنوءة

وانا جاهز وقت ما بدك

سلاااااااااااام

[الشهداوي]

هل قمة الرياض حملت تغيير او تطور عن القمم اللي سبقتها ؟؟؟

نعم و لكنه أقل مما يجب ...

لا ننكر ايجابية الموقف المشترك وكنه موقف مشترك غير مكتمل الملامح

من وجهة نظري ...


نحنا كعرب شو اكتر شي بنطلبو و بنتمناة من تجمع الجامعة العربية

بهالقمة العربية طرح العرب مبادرة سلام ... و السؤال .. هل هالمبادرة مرضية بالنسبة النا ؟؟

أنا بالنسبة إلي كفلسطيني حرم من أرضه و عزه و أهله ما بقبل السلام الدائم

لكن الآن السلام مطلوب ... كحل مؤقت ... ولكنه لن يدوم .



هل اسرائيل ممكن تكون دولةمسالمة و تنسجم و تتماهى مع الدول اللي حولا .. ويكون بيننا علاقات طبيعية ؟؟؟

طبعا لأ ... بس المشكلة إنو إحنا ما بنعرف نستغل هالنقطة لصالحنا


والسؤال الاهم .. ليش نحنا كعرب مضطرين لتقديم التنازلات ... وهل بنملك وسيلة للضغط على اسرائيل لحتا تلبي مطالبنا ؟؟؟

تقديم التنازلات هو فرض على الطرف الأضعف

ونحن للأسف الطرف الأضعف من جميع النواحي

ولكن هناك حدود للتنازلات

و يجب أن تكون بكيفية ... لا تخدم الإسرائيلين فقط !!!


قمة دمشق رح تصير السنة الجاية .. يا ترى ممكن تحمل وصفة سحرية للعرب ؟؟ و حل يضمن كرامة العرب.. بشكل مفاجئ يعني ..


أنا بتوقع السنة الجاي سنشهد التوقيع على اتفاقية سلام شاملة مع إسرائيل

تدخل فيها سوريا

ولكن أتمنى ألا تكون هذه الإتفاقية عبارة عن تأكيد إستسلام و ضعف عربي

بل أن تأتي بمكاسب ... حتى لو لم تكن كبيرة جدا



و أحب أن أضيف أني كفلسطيني و عربي

لا أعترف بإي إتفاق و لو وقع عليه الكون كله

يتنازل عن حق عودة الفلسطينين إلى أرضهم

أو يعطي القدس للإسرائيلين ....


وشكرا هنوءة على الموضوع ...

[هنّوءة]

سلام اخي ملوووووح ...
من ردك حسيت انك متفائل و مبسوط و مرتاح لنتائج القمة اللي صارت بالرياض ... طبعا متل كتيرين من العرب .. المتفائلين ...

انا معك انو صارت معجزة حقيقية بقمة الرياض .. وهي اتفاق العرب .. ولو كان اتفاق خجووول على مقررات اقل بكتير من ما بنتمنى يتفقو علية

ما بدي كون حالمة زيادة وقول انو لازم يعلنو الوحدة العربية و رفض اي كيان اجنبي خبيث بقلب وطننا الكبير ... مع العلم .. اني بتوقع انو هالشي مو مستحيل لو قدمت كل لدول العربية تنازلات و سمعت راي وصوت شعوبها العربية ... واستخدمت اللي الله عاطيها ياه كوسائل للضغط متل ما عم تعمل امريكا تماما بالعالم كلو .
بس اضعف الايمان متل ما بيقولو .. انو يلزمو اسرائيل بالقوانين الدولية مو عن طريق مبادرات سلام بتخلينا غضب عننا نحسها استجداء لان مافي خيار تاني او وسيلة ضغط بيمارسوها العرب على اسرائيل وهالشي بيحول اي مبادرة لنوع من انواع التعطف و الترجي
ابسط شي انو يطلبو من الولايات المتحدة تتحمل مسؤولية تخريب العراق .. تتحمل ذنب مئات الارواح اللي بتموت كل يوم هنيك ...

قال رئيس سوريا .. قمة الرياض هي قمة الأمل ... الامل بتحقيق تضامن عربي ... بعد ما تفرقنا وهيدا الرائع بقمة الرياض

و انا معك انو الوحدة الداخلية هي اساس قوة الدول ... بس يا ترى مو شايف متلي انو هالفتن الطائفية اللي عم تولد هون و هنيك ما كانت موجودة قبل تواجد امريكا بالمنطقة .. ممكن موجودة بس مو بهالوضوح و هالقوة اللي فيها هلا ...
لو كانت الانظمة العربية قوية بما فية الكفاية كانت ردعت الولايات المتحدة و الموساد الصهيوني من زرع الفتانين بالارض العربية ...
والحمد لله نحنا بسوريا كشعب بظن محصنين تماما ضد هيك شي .. لان في توعية دائمة و تحصين دائم .. و قال رئيسنا انو سلاحنا الاقوى هو الوحدة الداخلية .. و التضامن .. و هيدا اقوى من كل اسلحة العملاء و الخونة

اما بالنسبة للتجريح اللي بنسمعو احيانا و اللي بنقولو احيانا فهو بينبع من الالم العميق .. لما نشوف انو الناس اللي ارواحنا بايدهم و مصائرنا بايدهم عم يقدمو اقل مما بنطمح و اقل مما بنتمنى و اقل مما بيقدرو يقدموو
بيصير عنا صورة مخلخلة .. وغير مستقرة عنهم .. و بنعطي لانفسنا الحق بالنقد بكل الطرق .. هالشي اكيد مو صح .. بس لا تنسى انو اللي بيصير بالوطن العربي اليوم كتير كتير كتير غلط كمان ... وهي مسؤولية القادة العرب و هنن مطالبين بتفسيرات و مطالبين بتغيير هالواقع .. والا بيكونو خانو الامانة اللي عاطيينون ياها شعوبون ...

عذرا على الاطالة اخي ملوووح بس حبيت اوصل فكرتي بوضووح لهيك طولت شوية

بي باي

[هنّوءة]

خيووو ايااادووو شكرا على ردك بس انت مو موضضح فية شو قصدك و خاصة بالنقط التالية


لكن الآن السلام مطلوب ... كحل مؤقت ... ولكنه لن يدوم .

اذا كان السلام لن يدوم فليش و ليش نعملو بالاصل

طبعا لأ ... بس المشكلة إنو إحنا ما بنعرف نستغل هالنقطة لصالحنا

كيف بدنا نستغلها ؟؟؟

ونحن للأسف الطرف الأضعف من جميع النواحي

وكيف حكمت انو نحنا ضعفاء .. انا بشوف غير هيك تمام .. شو اللي بيخليك انو تعتبر انو نحناضعفاء و نحنا اغنى منطقة بالعالم من حيث الثروات و القوة البشرية


بل أن تأتي بمكاسب ... حتى لو لم تكن كبيرة جدا

اذا كنت متامل يصير سلام شامل مع اسرائيل شو المكاسب اللي متمنيها .. و من شو خايف يعني ما بعتقد اكتر من هيك تنازلات ما عاد يقدرو العرب يقدمووو

بتمنى توضح ايادووو بليييز

بي باي

[mouuny]

والله يهناء انا لا مع ولا ضد

انا محايدة وداخلة جوات مخي ومابدي سايسة ولا وجع راس

انا بعرف انو ربي رازقني ولله الحمد مابدي اوجع راسي بمشاكل ماقدروا هن يحلوها
واذا جات الموت با الف اهلا وسهلا بيها بموت يا في سيبل الوطن يا في سبيل ابناء الوطن
اما السياسة بري منها

للابد

تحياتي

[الشهداوي]

اذا كان السلام لن يدوم فليش و ليش نعملو بالاصل

إحنا بنعملوا عشان نقدر ناخد فرصة

لتصحيح أوضاعنا السياسية و الاقتصادية محليا و عالميا

ونقدر بعدين نفوت بمرحلة التغير بالقوة

والتي تنتهي بطرد اليهود من فلسطين ...


كيف بدنا نستغلها ؟؟؟

هاد الإستغلال و ظيفة السياسين ... بمعني

انا نستغل المواقف السياسية و المعطيات على الأرض لتحسين صورتنا عالميا

وكسب علاقات أفضل وبحدود أعلى مع مختلف دول العالم


وكيف حكمت انو نحنا ضعفاء .. انا بشوف غير هيك تمام .. شو اللي بيخليك انو تعتبر انو نحناضعفاء و نحنا اغنى منطقة بالعالم من حيث الثروات و القوة البشرية

هنوءة معلش الكلام الي حاطيتوا زهقنا ...

أغنى منطقة بالموارد و الثروات

هاد كلام جرايد و أحزاب من فترة الستينات و السبعينات يمكن

الواقع الملموس غير

شو فايدة ثروات ... ما بنقدر نتحكم فيها وين رايحة و متى و كيف

و شو فايدة الموارد البشرية ... اذا كانت مدمرة نفسيا

و مدمرة معنويا بالجهل و البطالة ...الخ


اذا كنت متامل يصير سلام شامل مع اسرائيل شو المكاسب اللي متمنيها .. و من شو خايف يعني ما بعتقد اكتر من هيك تنازلات ما عاد يقدرو العرب يقدمووو

هنوءة السلام الشامل زي ما وضحتت بأول نقطة

يعني شامل لجميع النقاط و التفاصيل

لكن ليس للأبد ... يعني سلام بيكون ضمن مرحلة إعادة البناء لذاتنا

و بعدين بينتهي السلام بحرب لابد منها

حرب الهوية و الكيان الي ما بيحلها اي سلام بالدنيا



بتمنى يكون كلامي صار واضح

وبينت الامور الغير موضحة فيه ...

[عصي الدمع]

أهلا هنوءة

شكرا على الموضوع المميز

بصراحة

أنا ما تابعت القمة العربية

لأسباب خاصة

ولكني مع إياد الشهداوي في كل ما قاله

ولكني أفضل أن لا أسميه مبادرة سلام

بل أقول هدنة مؤقتة لتصحيح الأوضاع وتجميع القوى

وفرض أحقية العرب والمسلمين واحترام وجودهم ورسم

خارطتهم المتجاهلة أو التي تناساها المجتمع الدولي


شكرا مرة أخرى