سؤال بخصوص الفيديوهات

[Willi]

انو اول الشي مرحبا

تاني شي غير انو 90% من الفيديوهات مو شغلة (قريت باحد المواضيع انو عم ترفعوها على السيرفر الخاص بالموقع) هلق لهون الحكي حلو.
السؤال هو. ايمت رح ينزلو بالموقع؟؟؟

هاد السؤال الاول

اما السؤال التاني فهو كالتالي
خلينا ناخد هالموضوع كمثال
http://www.shahed-barmada.com/vb/showthread.php?t=54

عم حاول شوف الفيدوهات اللي بهالموضوع وما عم اقدر
بضل بكبس على الزر اللي المفروض يبلش الفيديو.
بس لا حياة لمن تنادي.
فالسؤال هو, شلون بدي شغلون, او ليش ما عم يشتغلو معي؟؟؟
الانترنت عندي سريع يعني الشغلة ما الها علاقة ببطئ الانترنت

[الشهداوي]

أول إشي أهلين


تاني إشي حبيبي الفيديوهات الموجودة بالمنتدى قسمين

قسم هو الي كان مشاركات من الأعضاء

الي هو أغاني و ريبورتاجات برنامج سوبر ستار

و هاي طبعا الأعضاء كانو برفعوها على مراكز تحميل عامة

مواقع التحميل العادية ... الي بتخلص صلاحية الملف بعد مدة

و لأنها من البرنامج الي الكل حضروا

موجودة عند معظمنا

فما بترجع تنرفع الا لما يرجع عليها طلب

بقسم الطلبات ببيت الأعضاء

و الموضوع الي انتا حاطة هو من هالنوع و لاحظ تاريخ وضعوا بالمنتدى

02-20-2006, 11:27 Am

يعني قبل سنة و شوية ... فأكيد بتكون انتهت صلاحية الملف على مراكز الرفع

و اذا عندك طلب معين

بتقدر ترجع تطلبوا زي ما حكيت من بيت الأعضاء

و إنشالله الأخوة ما بيقصروا معك


تاني قسم من الفيديوهات

هو الحصريات للمنتدى

و هي حفلات شهد و لقاءاتها بعد سوبر ستار

سواء فيديوهات صور أوديو كلها بتكون حصرية

ولذلك ترفع على مركز تحميل الموقع الخاص

و بتضل متوفرة عطول إنشالله ... و بأي وقت


و انتا الي قرأت بأحد المواضيع صاير فعلا

يعني الحصريات مرفوعة و خالصة على سيرفر المنتدى و أول بأول هالشي

مو لسا بدو ينعمل

و بتقدر تتأكد من هالشي لما تزور مواضيع حفلات شهد الحصرية و تشوف



بتمنى أكون وضحتلك كلشي

و أهلا و سهلا فيك

و إنشالله بنشوفك عضو نشيط معنا

[ferasm]

Willi،

اهلا وسهلا بك ،

طلب بالأتأكيد هو موضوع عنايتنا ،

والأخ الشهداوي أجاب اجابة شافية حول سؤالك ،

والفيديوها الان جميعها ستم تحكيلها عن جديد،

أهلا وسهلا بك ،

[Willi]

اي حلو كتير كلامك.
خيو طيب سؤال.
ليش ما بينسمح للاعضاء مثلا انو يحملو عالفيديوهات اللي عم يحطوها. على سيرفر الموقع.
هيك ما بكونو راحو بعد مدة وبضلو شغالين تمام.

هلق بالنسبة لفيديوهات سوبر ستار. هو بالفعل انا هاد اللي كنت عم دور عليه.
يعني كنت عم دور على اراء الحكام من الحلقة الاولى للاخيرة بشهد.
ومع الاسف هدول اللي مو شغالين.
وهلق منروح على بيت الاعضاء

وتحياتي

[shadi]

اهلين Willi

اول شي برحب فيك بالمنتدى ..

تاني شي الاخ الشهداوي كان السباق على دخول الموضوع

وبالطبع مو غريبة عنو انو يساعد ويجاوب الاعضاء واشكره

بخصوص الفيديوهات الي قلنا رح نرفعهم

رح يتم رفعهم على السيرفر قريبآ ان شاء الله

وارحب فيك مره ثانية

مع التحية والشكر لأياد وفراس على ردودهم

مع التحية

[shadi]

اي حلو كتير كلامك.
خيو طيب سؤال.
ليش ما بينسمح للاعضاء مثلا انو يحملو عالفيديوهات اللي عم يحطوها. على سيرفر الموقع.
هيك ما بكونو راحو بعد مدة وبضلو شغالين تمام.

هلق بالنسبة لفيديوهات سوبر ستار. هو بالفعل انا هاد اللي كنت عم دور عليه.
يعني كنت عم دور على اراء الحكام من الحلقة الاولى للاخيرة بشهد.
ومع الاسف هدول اللي مو شغالين.
وهلق منروح على بيت الاعضاء

وتحياتي

بخصوص ما ذكرته بالبداية

يوجد مركز تحميل خاص بالاعضاء وهو للصور

اما الفيديو لم يتم عمله الى حد الان وان شاء الله بالايام القادمة سنعمل عليه

واطلب ما تريد وان شاء الله نقدر نعطيك الي بدك ياه

من خلال القسم المناسب بالمنتدى

مع التحية

[Willi]

مشكورين شباب على ردودكون
مية وردة