مفاهيم العيب و الحرام في مجتمعنا!!!!

[نسمة الربيع]

عندي الكن سؤال حابة ناقشكن فيه و هو: هل من العيب او الحرام انه البنت او الشب يقدم على اخبار الاب او الام انه او انها تحب شخصا ما؟؟؟؟؟ برائك ما هو الفعل او الرد الصحيح للاهل؟؟؟ انا بحب اسمع اراء كتير عن هالموضوع يا ريت تنتاقش فيه و نفككر انه بس يكبرو ولادنا و نمر بهاللحظة شو رح نعمل؟؟؟ شكرا و ارجو المشاركة

[0ـُرجان]

شكرا سوزان على الموضوع الحلو

انا بشوف الجواب وبكل بساطة

لاء طبعا لا عيب ولا حرام ... ليش ايمتى كان الحب عيب او حرام ؟؟!

العيب او الحرام هو انو هي البنت تتطور علاقتها مع هذا الشخص يلي بتحبو الى

علاقة غير شرعية مرفوضة من الدين ومن المجتمع ..

يعني لما البنت بتقوم باقامة علاقة خارج نطاق موافقة الاهل او الزواج ساعتها

بنقدر نقول انو البنت سلكت سلوك معيبا وهو طبعا حرام

وبالنسبة لردة فعل الاهل الصحيحة

انا بشوف انو الاهل يتجاوبو مع بنتهم ويساعدوها قدر الامكان في ايجاد حل نهائي

لهذه المسألة يعني اذا البنت احبت شخص ما وكان هذا الشخص انسان جيد ولديه

امكانية الزواج وليس هناك من معيبات او معوقات تحول دون ارتباط الطرفين فما

المانع اذا ..؟؟

وبالنهاية طبعا كل اهل بحبو بنتهم وما بريدوا يشوفوها غير مبسوطة بقى اذا كان

سعادة ابنتهم تكون في الارتباط بفلان وكان هذا الفلان شخصا جيدا ايجابيا وليس

عليه علامات استفهام فعندها ليس هناك من اسباب لمنع اتمام هذه العلاقة على

الوجه السليم ..

نفس الكلام ايضا يطبق على الشاب فالعكس صحيح ..

شكرا الك سوزان مرة تانية عالموضوع المهم .

[ღكــزبــك حــلـــوღ]

هل من العيب او الحرام انه البنت او الشب يقدم على اخبار الاب او الام انه او انها تحب شخصا ما؟؟؟؟؟

هو طبعا ليس حرام لأن الله لم يحرمه و لكن المجتمعع يعتبر انه من العيب ان تقدم

الفتاة عل الحب او على اخبار اهلها بالحب اكثر من الشاب لأنهم يدخلون الشرف و

التقاليد في الموضوع و لأنهم يخافون عليها اكثر من الشاب من ان تنخدع او تنجرف

في حبها..

برائك ما هو الفعل او الرد الصحيح للاهل؟؟؟

التفهم طبعا و ليس الصراخ و المشاجرة بل بالتفاهم و حل الموضوع بالهدوء.

و لو كان لي اولاد و وضعت في هذا الموقف لكنت اعطيت اولادي الثقة بأن يخبروني

عن قصصهم و احاول مساعدتهم و التفاهم معهم لأن الحب برأي ليس حرام و لو لا

هذا لما زرع الله الحب في قلوبنا جميعا.

شكرا سوزان للنقاش الرائع

[نغم الربيع]

ميرسي كتير سوزان موضوع حلو ..

أنا برأيي انو الأهل لازم أول شي يعرفو ازا صار ودخلت بنتهون أو ابنهون بالحب ..

لأنو بهالايام ما عاد في هالحب الصادق تقريبا .. والأهل عندهون الخبرة لحتى يعرفو ازا هالشخص اللي حاببتو بنتهون او ابنهون كفؤ.. طبعا لانو الايام اكسبتهم خبرة .. وكمان هيك ما بعود الشب او البنت يفكرو انو يغلطو بحبهون على اعتبار انو كل شي عم يساوو تحت عين اهلهون ..

وكمان برجع بشكرك لانو موضوع حلو وخرج نقاش واكيد اي فكرة بتخطر على بالي برجع بحطها

[الشهداوي]

هو المفروض

و للأسف المفروض و ليس الواقع المرير

لأنو الأهل يرحبوا بهالصراح و يحاولوا يساعدو و يوجهو

و يكون أصدقاء لأبنائهم

و هاد الي بحمي ابنائهم فعلا

من الخطأ و الضياع


لكن الي منشوفوا هالأيام

العكس تماما

وهو اول ما الواحد يقول حبيت

بهجموا على الاهل هجمة الي رايح يحرر فلسطين

و بصير أو بتصير عامل أو عاملة جريمة

إذا ملكوا قلب و حبو

[نسمة الربيع]

شكرا للمشاركة للجميع و انا معك يا شهداوي انه في عالم لهلق بينفرو من هالمفهوم و بيعتبروه عيب او حرام حتى ينحكى فيه و كلمة حب هيي كلمة محرمة

[هنّوءة]

هايااات للكل

بس بدي احكي شي مهم كتير لازم الاهل يحطوة ببالون ولو انو بعيد شوية عن موضوع النقاش بس بيتقاطع معو بمكان معين

انو الممنوع مرغوب و هالشي هو اللي بيخلي معظم الاولاد ينحرفو بمسيرون و يتجهو للشي الخاطئ تلقائيا

و التوعية ما لازم تكون ممزوجة بالترهيب و انما بالترغيب ..

وهيدا اهم شي ممكن يساووة الاهل

شكرا سوزان على الموضوع المهم والحلو
باياااات

[shadi]

هو بالحقيقة شيء معيب عند مجتمعنا انو البنت تعترف للاب او الام

او حتى الاخ انو انا بحب فلان .. وعندي مشاعر اتجاهه

ما شاء الله عليكم جاوبتو على الجزء الاكبر

لكن بحب ضيف ..

انو نحنا بالمجتمع الحالي ..

بنرفض فكرة انو اختي او بنتي تحب فلان .. او انو تحكي

لو بنرجع للاسباب .. بنلاقي انو نحنا "خايفين" عليها ..

بس هاد غلط .. لمى البنت بتجي تشكي همومها وتلاقي الصدر الرحب

بتلاقي الاب المتفهم والام الحنونة .. والي بيرشدوها على الشيء الصحيح

بدون ما نراه هذه الايام . من الضرب والاهانات وكل هذا

رح يساعد البنت على اختيار الاشياء الصحيحة وليش الغلط

وبرجع وبأكد انا لستُ مع الثقة العمياء

لان الها سلبيات كبيرة ..

لكن على موضوعنا اليوم عن الاعتراف بالحب مثلآ للاهل

يجب ان يتفهموا .. ويكونوا واقعيين .. وبيسألو وبيعرفوا ..

وعدم اللجوء الى وسائل الضرب والاهانات

اما على الشباب .. اعتقد بنسبة كبيرة الاهل يتساعدو مع ابنهم

على عكس الفتاة تمامآ لان يوجد تحفظ كبير على الفتاة اكثر من الشب

وان الشب يجي يفاتح اهلو بقضية حب او اعجاب ..

قليل جدآ ما نلاقي اهل ما يتفهموا وضعه .. لان كما ذكرت

بمجتمعنا الشب غير البنت ..

شكرآ اختي سوزان على الموضوع ..

ويعطيك العافية