عندي استفسار صغير

[katty]

بما اني جديدة هون بهالمنتدى الرائع فحابة افهم شغلة صغيرة و ياريت ماحدا يزعل مني
انا مرة شاركت بعدد كبير من المشاركات وتحولت من (مميز)الى(برونزي)
وبعدين باليوم التاني دخلت ولقيت انو كل مشاركاتي بهداك اليوم بالذات محذوفة ورجعت (مميز) مرة تانية فممكن افهم سبب الحذف اذا ما فيها ازعاج واذا كنت
انا الي مأخطئة فياريت تقولولي وشكرا للجميع

[Manirva]

يا هلا بحبيبتي كاتي

في سبب و مو غلطك هل الشئ

السبب هو صار عطل بالموقع

و بعد جهود كبير من العزيز شادي زبط الموقع

بس خصرنا يوم أو يومين ( بكل مواضيعهون و مشاركاتهون )

و هل شيئ صار مع الكل مو بس أنتي

يعني أنا وصلت ال10000 مرتين أو ثلاث و يرجعو يروحو هههههه

فاسفين كثير حبيبتي و أكيد أنتي عضوه جيده و مميزه

و محدا قصده يحذفلك أي شئ

و حتى لو لا سمح الله الإداره أنجبرت تعاقب حدا

و تتصرف تجاهه بأي طريقه بتخبره ليش و شو رح تعمل

فا برجع بكرر إلي صار عطل فني غير مقصود

و يلا هلق منرجع نكسب شوفة مشاركاتك مره ثانيه :3:

[katty]

شكرا حبيبتي ماما وانا هلق فهمت السبب ماكنت بعرف خلص مو مشكلة
بس حابة اعرف يعني هالموضوع(العطل الفني)بيتكرر كتير حتى انتي صار معك هيك كمان وشكرا الك مرة تانية

[Manirva]

و الله حبيبتي هل 3 /4 ايام إلي مضو كان مشربكات شوي

و شادي غير الشركه كلها ميشان يتفادى أيه مشاكل و إزعاج للأعضاء

و إن شاء الله ما عاد يصير شئ

بس إذا لا سمح الله و حصل صدقيني خارج عن إرادتنا

و حتى شادي أخر شئ صار يغلق الموقع ميشان محدا يخصر شئ

و أن شاء الله ما بيصير غير كل خير

و بعتذر مره ثانيه منك حبيبتي

و أن شاء الله ما عاد يصير هيك مشاكل

[katty]

مريسي كتير حبيبتي ماما يعني لولاك كنت ماعرفت شي بهالمنتدى
ومافي داعي ابدا للاعتذار انا مالي زعلانة بس حبيت استفسر
وشكرا الك كتييير مرة تانية وكمان شكرا لشادي مير الموقع وميرسي كتير الو

[Manirva]

ولو هذا واجبي

وأنا بالخدمه أي وقت أهلآ وسهلآ

[ShoosH]

ماشالله عليها ماما كفت و وفت اختي كاتي

و شكرا الك كمان لتفهمك للموضوع

و بحب ضيف شغلة كمان

سياسة الموقع ما بتعتمد على الكم بل تعتمد على النوع

يعني انشالله بتكوني من المشاركين المميزين بمواضيعك و مشاركاتك مو بعدد المشاركات

الله يعطيكن العافية و منورين

[shadi]

اهلا كاتي

اولآ كلنا أسف على العطل الي صار

والعطل هذا مثل ما قالتلك ماما انو خارج عن ارادتنا

خلال يومين نقلنا لاكثر من 3 شركات .. وكلو بهدف راحتكم

وسرعة المنتدى وعدم التعليق .. وتفادي اي مشكلة تصير معنا

ولحد الان المنتدى تحت التجربة بالشركة الجديدة ..

يعني بقدم اعتذاري وكل ما حصل

هو انو يرجع الباك اب الي اخذناه بيوم المشكلة بالذات

لذلك فتحت المنتدى بعده بيوم .. دخلو الاعضاء الي فتح معهم الموقع

وشاركو وهو بالاصح الدي ان اس لسه ما تفعل يعني لسه المشاكل ما انحلت

فـ اغلت المنتدى لحد ما نقلت الموقع كلو وصار تحت التفعيل مية بالمية

ونأسف للمرة الثالثة كمان .. واهلا وسهلا فيك

وما قصروا ماما واشرف .. بالتوضيح

دمتم بكل الود

[&wissam&]

هلا كاتي
ماشاء الله
الادارة ما قصرت
وانشالله ما بيعود بيصير في شي

والف شكر الك شادي على تعبك ومجوهود
يعطيكم الف عافية

[katty]

اول شي بشكرك اشرف كتيير
وطبعا فهمانة جهودك الواضحة شادي مشان راحتنا يعني فعلا انا حبيت منتداكن كتيير ومافي داعي ابدا للاعتذار انا متفهمة كل شي عم تعملوا حضرتك مشان سرعة المنتدى كمان وفعلا ماما واشرف وحضرتك طبعا ما قصرتوا ابدا وشكرا كتير الك
وشكرا وسام وانشالله ما يتكرر شي



(العضوة الجديدة والدائمة انشالله بهالمنتدى. كاتي.)

[shadi]

(العضوة الجديدة والدائمة انشالله بهالمنتدى. كاتي.)

اذا ما شالك المنتدى .. تشيلك عيوننا اكيد .. اهلا وسهلا فيك اختي

[katty]

تسلم عيونك اخي والله خجلتني ورح بوعدك اني خبر عن المنتدى لكل صديقاتي (اصلا خبرت وخلصت) هههههه
مرسي الك كتييير وعلى تعاونك بهالمنتدى مع كافة الاعضاء شادي يعني مارح شوف احسن من هيك منتدى ابدا فأنا مقيمة هون اذا استحملوني هههههههههه

[shadi]

ولا يهمك غاليتي كاتي

الشخص الي بيزين المكان مربح لالنا

يعني انتي بتواجدك معنا تنظمين الى الاسرة

" اسرة منتديات شهد برمدا "

وهالاسرة هي مهما حكيتلك عنها ببقى مقصر والايام تثبتلك عن طيبة اعضاء ومشرفين المنتدى ..

دمتي بود

[katty]

والله ياشادي هالشي واضح واول شي من طيبتك انت مع الاعضاء
وانا والله شاهد علي اني كتييييير بتشرف بانضمامي لهل الاسرة الكريمة
وهادا كمان مكسب كبييير كتير الي
ومليون شكرا الك وعلى تعاونك معي
:14::14::14::14::14:

[المحبة لشهد]

«®°·.¸.•°°·.¸¸.•°°·.¸.•°®»
.
.


كااتي اهلاا وسهلااا حبيبتي


بعتذر عن التأخييير بالرد بس لاتزعلين وان شاء الله مايتككر

هذا الموضوع مرة تانية ونشووفك وصلتي لالفياات عديدة

بس الادارة ماقصرت وماما داائما سباقة لتقديم الافضل

الله يعطيك الف عافية ماما وشادي وكل المشرفين

تحيااتي

.

.

.
«®°·.¸.•°°·.¸¸.•°°·.¸.•°®»

[katty]

شكرا كتييييييييير حبيبتي لمرورك الحلو
وفعلا الادارة ما قصرت